მოსკოვის "სპარტაკმა" სტუმრად "კრილია სოვეტოვთან" რუსეთის ჩემპიონატის მე-14 ტურის მატჩი გამართა და ანგარიშით 5:0 დაამარცხა. 
ვიდეო აღნიშნულ შეხვედრაში ულამაზესი გოლით საქართველოს ნაკრების ახალგაზრდა ნახევარმცველი ჯანო ანანიძე გამოირჩა, რომელმაც საჯარიმოს გარედან მეკარეს აუღებლად დაურტყა - ბურთი "ცხრიანში" განათავსა (იხილეთ ვიდეო).
ქართველი ფეხბურთელის გოლი უდავოდ ყველაზე ლამაზი იყო მატჩში. თამაშის დასრულების შემდეგ ჯანოს რუსულ პრესაში დიდი გამოხმაურება მოჰყვა რასაც ქვევით შემოგთავაზებთ.
მოსკოვის "სპარტაკის" მეკარე არტიომ რებროვი: "ყველაზე მეტად რომელი გოლი მომემოწნა? ჯანოსი და ძიუბასი. ჯანომ ულამაზ
"სპარტაკის" თავდამსხმელი არტიომ ძიუბა: "ძალიან მიხარია, რომ დიდი ანგარიშით მოვიგეთ. "სპარტაკმა" ბევრი კარგი გოლი გაიტანა. განსაკუთრებით კი ანანიძის გოლს აღვნიშნავდი, ჯანომ საუცხოოდ დაარტყა. ბრწყინვალე შესრულება იყო".
"სპარტაკის" ყოფილი კაპიტანი იგორ ტიტოვი: "სპარტაკის" მიერ ბოლო სამ ჩატარებულ მატჩში მომენტების მიხედვით თუ ვიმსჯელებთ ჯანო საუკეთესო იყო. მისი გოლი-შედევრი კი მეტოქის განადგურების საბოლოო წერტილი იყო. გამოვიდა, გაისწორა და გაიტანა ისე, როგორც ამას დიადი ოსტატები აკეთებენ".
შეგახსენებთ, რომ ანანიძემ 46-ე წუთზე ემენიკე შეცვალა.
მატჩის შემდეგ კომენტარი თავად ჯანომაც გააკეთა: "მაშინ ვილაპარაკებ, როცა "ბარსელონას" გავუტან".
ასევე იხილეთ:
რუსი ჟურნალისტი: ჯანო ანანიძე მოსკოვის "სპარტაკის" მთავარი ტვინი უნდა გახდეს!
ჯანო ანანიძე ევროპის საუკეთესო ახალგაზრდებში დაასახელეს
უნაი ემერი: ჯანო ანანიძე კარგ ფორმაშია
ჯანო ანანიძე: როდესაც ძირითადში ხშირად ვითამაშებ, ჟურნალისტთა კითხვებს პასუხს მაშინ გავცემ
