ირაკლი ღარიბაშვილისა და საფეხბურთო სამყაროს ბოლოდროინდელი შეხვედრების შესახებ უკვე ბევრი დაიწერა (იხილეთ ვრცლად). ჩინებულია, რომ პრემიერ-მინისტრი ფეხბურთის განვითარებით დაინტერესდა და საამისოდ სახელმწიფო კომისიის ჩამოყალიბებასაც აპირებს.
საფეხბურთო სამყაროს სხვადასხვა სეგმენტის წარმომადგენლებს ერთი და იმავე კითხვით მივმართეთ - პირველ რიგში, ქართული ფეხბურთის რომელი პრობლემის მოგვარებას შესთავაზებდით პრემიერ-მინისტრს?
* * *
ტარიელ ხეჩიკაშვილი, "საბურთალოს" პრეზიდენტი, ჰოლდინგ "იბერია ბიზნეს ჯგუფის" დამფუძნებელი: "ფეხბურთით მთავრობის დაინტერესება ძალიან მახარებს. დროცაა, მის აღორძინებაზე მსჯელობა რომ დაიწყო.
მაგრამ მიმაჩნია - პროგრამაც კარგია, საკანონმდებლო ინიციატივებიც და სახელმწიფო დაფინანსებაც, თუმცა, ჩემი აზრით,
ამ წლებში დატრიალებული მოვლენები არასწორად ან საერთოდ არ არის შეფასებული. ის ადამიანები, ვინც ჩვენი ფეხბურთი ამ დონემდე დასცა, მოვლენებს ობიექტურად ვერ აფასებენ.
მთავარი კი ისაა, რომ ქართული ფეხბურთისადმი ნდობა ყველამ დაკარგა - გულშემატკივარმა, ბიზნესმა, საერთოდ, მთელმა საზოგადოებამ და ამ ნდობის აღდგენის გარეშე ჩვენს ფეხბურთს არაფერი ეშველება.
ვერანაირ კრიტიკას ვერ უძლებს დღევანდელი ფედერაცია. სხვათა შორის, როგორც ბიზნესმენი, ვიტყვი - ვერც მენეჯმენტის კუთხით. პირიქით, ამაში ძალიან სუსტია და სწორი პოლიტიკაც არ გააჩნია. არ ხდება ზუსტი დიაგნოზის დასმა, თუ რა სჭირს ჩვენს ფეხბურთს. ამის ნაცვლად, ფონს გასვლას ვითარების შელამაზებით ცდილობენ.
ყველაზე უცნაური ისაა, რომ ვინც ქართული ფეხბურთი ამ დღემდე მიიყვანა და ვინც არასწორად მკურნალობდა, მას დღეს აქვს პრეტენზია, ფედერაცია მომავალშიც მართოს, მაგრამ ამის რესურსი არ გააჩნიათ.
მოკლედ, ჩემი აზრია, რომ ჯერ დიაგნოზი დავსვათ და მერე ვუმკურნალოთ.
სპორტის სამინისტროში საინტერესო პროგრამას გავეცანი, სადაც პრიორიტეტული მიმართულებები შერჩეულია და გლობალური ხედვაც დავინახე. თუ ეს განხორციელდა, ჩათვალეთ, რომ ქართული ფეხბურთი ამ წუმპეს თავს აუცილებლად დააღწევს".
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
ილია კოკაია: ღარიბაშვილს ფეხბურთი აინტერესებს და ეს ძალიან მაიმედებს
კარგი ბიჭი ხარ ასე რომ აზროვნებ და ჯობია შენნაირმა ხალხმა უფრომ მეტი ჩართულობა გამოიჩინონ ამ საქმეში.
უბრალოდ სირჩვილია, ვინც ეხლა მართავენ ქართულ ფეხბურთს, რას აკეტებენ.
ეგ ქეცბაია კარგი და პატიოსანი კაცი რომ იყოს, უბრალოდ გადადგებოდა და დაამტკიცებდა რომ ფულის მონა არ არის (ნორმალურ ქვეყანაში ასე აკეთებენ), მაგრამ ვაი შენ საქართველოვ............