დიდი გაჭირვების მიუხედავად, გორის "დილა" ევროპალიგისთვის ემზადება. პირველ საკვალიფიკაციო ეტაპზე უჩა სოსიაშვილის გუნდის მეტოქე სომხური "შირაქი" იქნება. "დილას" მწვრთნელმა საევროთასო განაცხადი უკვე ჩამოწერა. მართალია, გორელებმა ვერ შეინარჩუნეს ლიდერები (ოთარ მარცვლაძე, გუგა ფალავანდიშვილი, ირაკლი ძარია), მაგრამ ძველი კადრებიდან რამდენიმეს დატოვება მაინც მოხერხდა.
მოკლედ, "დილას" საევროთასო განაცხადი ასეთია:
1. გიორგი ბეგაშვილი; 22. გრიგოლ დოლიძე; 55. ნიკა ელიაური; 19. გიორგი ერისთავი; 80. ალექსანდრე გამცემლიძე; 21. თეიმურაზ ღონღაძე; 14. ლაშა ჯაფარიძე; 39. დავით კაპანაძე; 27. გივი ქარქუზაშვილი; 77. ირაკლი ქათამაძე; 17. თამაზ კიკაბიძე; 12.
როგორც ხედავთ, თუნდაც დასრულებულ სეზონთან შედარებით, "დილას" შემადგენლობა მნიშვნელოვნადაა შეცვლილი. და მაინც, გუნდში არიან გამოცდილი ფეხბურთელები, რომელთაც აშკარად შეუძლიათ "შირაქის" გავლა - დავით კვირკველია, ლუკა რაზმაძე, ირაკლი მოდებაძე, გრიგოლ დოლიძე, ლექსო კვახაძე და სხვები.
შეგახსენებთ, რომ "დილა" ევროპალიგის პირველი საკვალიფიკაციო ეტაპის პირველ შეხვედრას 30 ივნისს, მშობლიურ "თენგიზ ბურჯანაძეზე" გამართავს. მატჩი 18 საათზე დაიწყება. ბილეთები 28 ივნისიდან გორის თეატრის სალაროებში გაიყიდება. თამაშზე დასწრების მსურველ გულშემატკივარს 3, 5 ან 10 ლარის გადახდა მოუწევს.
იმედია, "თენგიზ ბურჯანაძე" ბოლომდე შეივსება და "დილა" ქომაგის მხურვალე მხარდაჭერით სასურველ შედეგს მიაღწევს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
