26 მაისს, 19:00 სთ-ზე მიხეილ მესხის სახელობის სტადიონზე საქართველოს თასის ფინალურ მატჩში "ზესტაფონი" გორის "დილას" დაუპირისპირდება.თორნიკე გორგიაშვილი "ზესტაფონში" ერთ-ერთი შესამჩნევი ფიგურაა. გასულ სეზონში თორნიკემ საგრძნობლად მოუმატა და თავისი გუნდის წარმატებაში მნიშვნელოვანი წვლილიც შეიტანა.
თანაგუნდელთა მსგავსად, ფინალის წინ მისი განწყობაც ოპტიმისტურია.
- ჩემპიონობის საკითხზე ატეხილმა აჟიოტაჟმა "ზესტაფონის" ფეხბურთელთა განწყობას დაღი ხომ არ დაასვა?
- ნამდვილად არ იყო სასიამოვნო, ჩვენი ჩემპიონობა კითხვის ნიშნის ქვეშ რომ დადგა, მაგრამ რაც მთავარია, სამართალმა იზეიმა და ოქროს მედლები დამსახურებულად მოვიპოვეთ.
ამან თასის ფინალის წინ დადებითი
ცოტა გადაღლილები ვართ, მაგრამ ასეთი მნიშვნელოვანი დაპირისპირებისთვის ძალებს აუცილებლად გამოვნახავთ.
- როგორ თამაშს შეიძლება ელოდოს მაყურებელი?
- ორივე გუნდის თამაშის სტილიდან გამომდინარე, ღია და სანახაობრივ ფეხბურთს ველოდები. ასე რომ, დარწმუნებული ვარ, სტადიონზე მოსული ქომაგი არ ინანებს და კარგ სანახაობას იხილავს.
ყოველდღიური სპორტული გაზეთი "ლელო"
ასევე იხილეთ
ზესტაფონი VS დილა - საქართველოს თასის ფინალის წინათქმა
გიორგი ჭიაბრიშვილი: ფინალის ბედს გუნდური თამაში გადაწყვეტს
თემურ შალამბერიძე: ძნელი მატჩი იქნება, მაგრამ ჩემი ბიჭების მჯერა
გიორგი ონიანი: დუბლის შესრულების შანსის ხელიდან გაშვებას არ ვაპირებთ
ზურაბ არზიანი: ელოდეთ სანახაობას
მათე ვაწაძე: "ზესტაფონის" დაცვა საქართველოში საუკეთესოა
