26 მაისს, 19:00 სთ-ზე მიხეილ მესხის სახელობის სტადიონზე საქართველოს თასის ფინალურ მატჩში გორის "დილა" "ზესტაფონს" დაუპირისპირდება.ზურაბ არზიანი "დილას" ნამდვილ ლიდერად ჩამოყალიბდა. ნიჟნი ნოვგოროდის "ვოლგას" ყოფილი ფეხბურთელი საქართველოში ადრეც თამაშობდა, მაგრამ ისეთი დამაჯერებელი არ იყო, როგორც ახლა - 25 წლის საყრდენი ნახევარმცველის პროგრესი აშკარაა.
- ჩემპიონატის ბოლოსკენ "დილა" შეთამაშდა, მაგრამ ეს საკმარისი იქნება "ზესტაფონთან" მოსაგებად?
- მწვრთნელები ყველა შეხვედრაში ერთი და იგივე დავალებას გვაძლევენ - მეტოქეს უნდა შევუტიოთ.
ადრინდელივით დაცვაში ჩამჯდრები არ ვთამაშობთ და მიმაჩნია, რომ გუნდს ისეთი პოტენციალი გააჩნია,
- შემტევი ფეხბურთი ორივე გუნდს უყვარს და ჩვენც იმედი გვაქვს, რომ ლამაზ ფინალს ვიხილავთ.
- მეც მგონია, რომ კარგი სანახაობა იქნება. მგონი, მოედანზეც კარგად ჩანს, ერთიანი, შეკრული გუნდი რომ ვართ. ეს განსაკუთრებით ბოლო რამდენიმე შეხვედრაში გამოჩნდა, კარგად შევთამაშდით და ეს არც მიკვირს: "დილაში" ისეთი ფეხბურთელები არიან, მათთან თამაში სასიამოვნოც არის და ადვილიც.
თუმცა, მხოლოდ თასის ფინალში მოგება არ არის ჩვენთვის საკმარისი. ამ შემადგენლობით მომდევნო სეზონში ჩემპიონობისთვისაც უნდა ვიბრძოლოთ.
- საამისოდ, მინიმუმ, "დილაში" უნდა დარჩეთ.
- ჯერ ამაზე არ გვილაპარაკია, მაგრამ სავარაუდოთ, ალბათ, ყველანი დავრჩებით.
ყოველდღიური სპორტული გაზეთი "ლელო"
ასევე იხილეთ
ზესტაფონი VS დილა - საქართველოს თასის ფინალის წინათქმა
გიორგი ჭიაბრიშვილი: ფინალის ბედს გუნდური თამაში გადაწყვეტს
თემურ შალამბერიძე: ძნელი მატჩი იქნება, მაგრამ ჩემი ბიჭების მჯერა
გიორგი ონიანი: დუბლის შესრულების შანსის ხელიდან გაშვებას არ ვაპირებთ
თორნიკე გორგიაშვილი: თასის ფინალში ღია და სანახაობრივ ფეხბურთს ველოდები
მათე ვაწაძე: "ზესტაფონის" დაცვა საქართველოში საუკეთესოა
