"მილანის" მთავარმა მწვრთნელმა სინიშა მიხაილოვიჩმა უარყო ხმები კლუბიდან მისი შესაძლო წასვლის შესახებ. მანამდე იტალიური მედია იტყობინებოდა, რომ სპეციალისტი დაიღალა კლუბის პრეზიდენტ სილვიო ბერლუსკონის პრეტენზიებით და თითქოს მხარეებმა სეზონის დასრულების შემდეგ თანამშრომლობის გაწყვეტაზე მოილაპარაკეს."ტყუილია, თითქოს კლუბის ხელმძღვანელობასთან ჩემი მომავალი განვიხილე. მე კონტრაქტი მაქვს და ვზრუნავ, "მილანის" მომავალ წარმატებებს საძირკველი ჩავუყარო. სამწუხაროა, რომ "სასუოლოსთან" წავაგეთ და ამით ახალ ჭორებს მიზეზი მივეცით. ეს ყველაფერი უსაფუძვლოა და თავად მომავალ თამაშზე ვფიქრობ.
რა თქმა უნდა, მსურს კვლავაც ვიმუშაო "მილანში". სინდისი სუფთა მაქვს და თავაწეული
შესაძლოა, ვინმემ ეჭვი ჩემს სამწვრთნელო შესაძლებლობებში შეიტანოს, მაგრამ არა - პიროვნულში. მე სიტყვებს ჰაერზე არ ვისვრი და სირთულეებს არ ვუშინდები", - თქვა სერბმა სპეციალისტმა კლუბის პრესსამსახურთან.
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
