უეფას ახალი პრეზიდენტი ალექსანდერ ჩეფერინი ორგანიზაციის "გაწმენდას" და მაღალი თანამდებობის რამდენიმე ისეთი პირის გათავისუფლებას აპირებს, რომლებიც მის წინამორბედ მიშელ პლატინისთან მუშაობდნენ. როგორც champion.com.ua თავის წყაროზე დაყრდნობით იუწყება, ჩეფერინი ორგანიზაციიდან ვიცე-პრეზიდენტის გრიგორი სურკისის გაშვებას აპირებს. ცნობილია, რომ სურკისი აქტიურად უჭერდა მხარს უეფას საპრეზიდენტო არჩევნებში სლოვენიელის კონკურენტებს.
როგორც ირკვევა, უეფას ხელმძღვანელს არც ის მოსწონს, რომ უკრაინელი ჩინოვნიკი ფიფას ექს-პრეზიდენტის ზეპ ბლატერის ნდობით აღჭურვილი პირი იყო, რომელიც, ისევე როგორც პლატინი, კორუფციაში დაადანაშაულეს.
შეგახსენებთ, რომ ალექსანდერ ჩეფერინი 29 სექტემბერს თბილისს ესტუმრება.
