"მაიამი ჰიტის" ლიდერი ლებრონ ჯეიმსი არდადეგებიდან დაბრუნდა და ჟურნალისტებს განუცხადა, რომ დაგეგმილ ვადაზე ადრე განაახლებს ვარჯიშებს. ამის მიზეზად "მეფემ" აღმოსავლეთში "მაიამის" კონკურენტების - "ინდიანას", "ბრუკლინისა" და "ჩიკაგოს" გაძლიერება დაასახელა."დავუბრუნდი დარბაზს და უკვე რამდენიმე კვირაა ვვარჯიშობ, - ამბობს კალათბურთელი Sun Sentinel-თან კომენტარში. - მივაქციე ყურადღება იმას, რომ ბევრი გუნდი ამ ზაფხულს ძალიან გაძლიერდა და მაღალ მიზნებზე გამოაცხადებს პრეტენზიას. ჩვენ ასევე გადავდგით ნაბიჯები წინ და ახლა, სამუშაოს ჩემს ნაწილს ვასრულებ".
ჟურნალისტი დაინტერესდა იმის შესახებ, თუ რას ფიქრობს ლებრონ ჯეიმსი "ბრუკლინში" კევინ
"ნეტსში" საჩემპიონო ბეჭდების მქონე სამი მოთამაშის მისვლა, აგრეთვე მწვრთნელად ყოფილი ჩემპიონის გამოჩენა, ეჭვგარეშეა, ძალიან გააძლიერებს გუნდს. მათთვის მთავარი პრობლემა შეიძლება გახდეს გუნდური ქიმია, თუმცა მათ ბევრი რამ მსხვერპლად შესწირეს და ამიტომაც არ მგონია, რომ შესათამაშებლად ბევრი დროს დასჭირდეთ. საერთოდ კი "ბრუკლინის" გაძლიერება მთლიანად ლიგისთვის იქნება სასარგებლო".
შეგახსენებთ, რომ ამ დღეებში გაჩნდა ინფორმაცია იმის შესახებ, რომ ლებრონმა, შესაძლოა, ეროვნული საკალათბურთო ასოციაციის მოთამაშეთა პროფკავშირის პრეზიდენტის პოსტი ჩაიბაროს. ჯეიმსმა თავისი სურვილი დაადასტურა.
"ვფიქრობ, პროფკავშირი არ მიდის სწორი მიმართულებით და ახლა, ეს ორგანიზაცია არც ისე კარგ მდგომარეობაშია, - განაცხადა ლიგის ოთხგზის MVP-მ. - მიმაჩნია, რომ ჩემი ხმა დიდ გავლენას მოახდენს შექმნილ სიტუაციაზე. დარწმუნებული არ ვარ, რომ ახალი სამუშაოსთვის დიდი დრო მექნება, მაგრამ გუნდთან ერთად სერიოზულად ვფიქრობ იმაზე - გავხდე თუ არა პრეზიდენტი. ჩვენ ერთად მივიღებთ გადაწყვეტილებას. ვფიქრობ, არავის ეპარება ეჭვი, რომ ბოლო წლებში, პროფკავშირი ცუდად აკეთებდა თავის საქმეს. თუ მას მე არ ჩავუდგები სათავეში, იმედია, ახალი პრეზიდენტი კომფორტულად იგრძნობს თავს და ღირსეულად წარუძღვება საქმეს".
ყოველდღიური სპორტული გაზეთი "ლელო"
ასევე იხილეთ:
ESPN: ლებრონ ჯეიმსი ისევ ყველაზე პოპულარულია
![ჯეიმსი VS დურანტი - "ლეიკერსის" 22 ქულიანი ქამბექი "ფინიქს სანზთან" [VIDEO]](/pictures/image7/0d53bce192b04544adafcc268e540733.jpg "ჯეიმსი VS დურანტი - \"ლეიკერსის\" 22 ქულიანი ქამბექი \"ფინიქს სანზთან\" [VIDEO]")
![სუპერმატჩი და შეუჩერებელი ლებრონ ჯეიმსი - 39 წლის კალათბურთელმა Dream Team-ს გერმანიასთანაც მოაგებინა [VIDEO]](/pictures/image7/3b32e5855dbd3381c476b25135f4b517.jpg "სუპერმატჩი და შეუჩერებელი ლებრონ ჯეიმსი - 39 წლის კალათბურთელმა Dream Team-ს გერმანიასთანაც მოაგებინა [VIDEO]")
![სამხრეთ სუდანს სენსაციამდე რამდენიმე წამი დააკლდა - აშშ მარცხისგან ლებრონ ჯეიმსმა იხსნა [VIDEO]](/pictures/image7/662dd6a8f0f3f449653149f257f9c9f0.jpg "სამხრეთ სუდანს სენსაციამდე რამდენიმე წამი დააკლდა - აშშ მარცხისგან ლებრონ ჯეიმსმა იხსნა [VIDEO]")
![პირველად კალათბურთის და მეოთხედ ამერიკული სპორტის ისტორიაში - მამა-შვილი ლებრონ და ბრონი ჯეიმსები თანაგუნდელები გახდნენ! [VIDEO]](/pictures/image7/ede934b62ef64a1f1a7cc4417a8da93b.png "პირველად კალათბურთის და მეოთხედ ამერიკული სპორტის ისტორიაში - მამა-შვილი ლებრონ და ბრონი ჯეიმსები თანაგუნდელები გახდნენ! [VIDEO]")
![ჯეიმსის ისტორიული მატჩი - "ლეიკერსმა" "იუტა" დაამარცხა [VIDEO]](/pictures/image7/1d12114aaa0f32aa247847e802b4d92e.jpg "ჯეიმსის ისტორიული მატჩი - \"ლეიკერსმა\" \"იუტა\" დაამარცხა [VIDEO]")
