ევრობასკეტის მე-4 საშეჯიბრო დღეს სამმა მთავარმა ფავორიტმა: საბერძნეთმა, სლოვენიამ და სერბეთმა, შეხვედრები გამართა.
სლოვენია გერმანიას დაუპირისპირდა და 88:80 დაამარცხა.
სლოვენიელთა მხრიდან ლუკა დონჩიჩმა თავი 36 ქულით, 10 მოხსნით, 4 შედეგიანი გადაცემითა და 1 დაფარებით გამოიჩინა.
ლუკას მხარი გორან დრაგიჩმა აუბა. "ჩიკაგო ბულზის" კალათბურთელმა 18 ქულა, 2 მოხსნა, 3 შედეგიანი გადაცემა და 1 ჩაჭრა მიითვალა.
გერმანელების შემადგენლობიდან დენის შროდერმა 19 ქულა და 5 შედეგიანი გადაცემა დააგროვა.
ამრიგად, ორივე გუნდს 3 მოგება და 1 წაგება აქვს. გერმანელები მეხუთე და ჯგუფურ ეტაპზე ბოლო
შეხვედრას უნგრეთის წინააღმდეგ ჩაატარებენ (22:20 სთ), სლოვენიელები კი ფრანგებს დაუპირისპირდებიან (19:15 სთ).
სერბეთი ისრაელს დაუპირისპირდა და 89:78 დაამარცხა.
ნიკოლა იოკიჩმა გუნდს 29 ქულა, 11 მოხსნა, 5 შედეგიანი გადაცემა, 4 ჩაჭრა და 2 დაფარება შესძინა.
"დენვერ ნაგეტსის" ლიდერს მხარი ვასილი მიჩიჩმა აუბა. "ანადოლუ ეფესის" ერთ-ერთმა წამყვანმა მოთამაშემ 19 ქულა, 3 მოხსნა და ამდენივე შედეგიანი გადაცემა მიითვალა.
ისრაელის ნაკრების შემადგენლობიდან იამ მადარმა 20 ქულა, 4 შედეგიანი გადაცემა და 2 ჩაჭრა დააგროვა.
სერბეთი 4 მოგებითა და 0 წაგებით D ჯგუფის ლიდერია. შემდეგ შეხვედრას ხვალ, 8 სექტემბერს, პოლონეთთან გამართავს (23:00 სთ). ისრაელი 2 მოგებითა და ამდენივე წაგებით მე-3 ადგილს იკავებს, მომდევნო მატჩს კი ასევე ხვალ, ჩეხეთის წინააღმდეგ ჩაატარებს (19:30 სთ).
საბერძნეთი უკრაინას შეხვდა და 99:79 დაამარცხა.
ბერძნების მხრიდან იანის ანტეტოკუნმპომ 27 წუთში 41 ქულა, 9 მოხსნა, 2 შედეგიანი გადაცემა და 1 ჩაჭრა დააგროვა.
"მილუოკი ბაქსის" ლიდერს მხარი ნიკ კალატესმა აუბა, რომელმაც თავი 13 ქულით, 5 მოხსნითა და 7 შედეგიანი გადაცემით გამოიჩინა.
უკრაინელების შემადგენლობიდან სვი მიხაილუკმა და ისუფ სანონმა თანაბარი, 16-16 ქულა ჩააგდეს.
ამრიგად, ბერძნები 4 მოგებითა და 0 წაგებით C ჯგუფში პირველ ადგილს იკავებენ. შემდეგ მატჩს ხვალ, 8 სექტემბერს, ესტონეთის წინააღმდეგ ჩაატარებენ (19:00 სთ). უკრაინელები 3 გამარჯვებითა და 1 მარცხით მე-2 პოზიციაზე იმყოფებიან, ხვალ კი ხორვატებს შეხვდებიან (16:15 სთ).
![დონჩიჩისა და ირვინგის კომბინირებული 72 ქულა - "დალას მავერიქსი" სუპერფინალში გავიდა [VIDEO]](/pictures/image7/05e672d565dcf752ff6277c1eea20260.jpg "დონჩიჩისა და ირვინგის კომბინირებული 72 ქულა - \"დალას მავერიქსი\" სუპერფინალში გავიდა [VIDEO]")
![დონჩიჩის საოცარი გეიმვინერი - "დალასმა" "მინესოტას" მეორე გასვლითი მატჩიც მოუგო [VIDEO]](/pictures/image7/61073a5d462e2e1c2e6a69b23def891a.jpg "დონჩიჩის საოცარი გეიმვინერი - \"დალასმა\" \"მინესოტას\" მეორე გასვლითი მატჩიც მოუგო [VIDEO]")
![დონჩიჩისა და იოკიჩის შოუ ირვინგმა მოიპარა - გამთამაშებლის საოცარი ტყორცნა და ბოლო წამზე მოგებული მატჩი [VIDEO]](/pictures/image7/c96f525ed467e0c3e212806e0139e5b2.jpg "დონჩიჩისა და იოკიჩის შოუ ირვინგმა მოიპარა - გამთამაშებლის საოცარი ტყორცნა და ბოლო წამზე მოგებული მატჩი [VIDEO]")
![მსგავსს იშვიათად ნახავთ - ნიკოლა იოკიჩის დაუჯერებელი ტყორცნა და დამწუხრებული სტეფ კარი [VIDEO]](/pictures/image7/6aa73e14496b5afe793a6369ddb40149.jpg "მსგავსს იშვიათად ნახავთ - ნიკოლა იოკიჩის დაუჯერებელი ტყორცნა და დამწუხრებული სტეფ კარი [VIDEO]")
