ჩემპიონთა ლიგაზე C ჯგუფში უკანასკნელი ტურის მატჩები გაიმართა.
გიორგი შერმადინის "იბეროსტარსა" და მაიკ დიქსონის "ნიმბურგს" განაღდებული ჰქონდათ შემდეგი ეტაპის საგზური და ისღა უნდა გაერკვიათ, რომელი გავიდოდა პირველ ადგილზე და რომელი - მეორეზე.
გერმანიაში "ბროზე ბამბერგისა" და "იბეროსტარის" მატჩის ძირითადი დრო 87:87 დასრულდა, ოვერტაიმში სტუმრები 6 ქულით დაწინაურდნენ და მოგებასთან ახლოს იყვნენ, მაგრამ მასპინძლებმა მაინც შეძლეს გამარჯვების მოპოვება - 98:96.
შერმადინმა 33:33 წუთში 15 ქულა (10-დან 6 ორქულიანი, 4-დან 3 საჯარიმო), 8 მოხსნა, 5 პასი და 2 ჩაჭრა მიითვალა, მისი მარგი ქმედების კოეფიციენტი კი 22-ს გაუტოლდა.
"ნიმბურკმა", რომლის რიგებში დიქსონს არ უთამაშია, საკუთარ მოედანზე 84:72 სძლია "პერისტერის".
"ნიმბურკი" 12 მოგებით პირველ ადგილზე გავიდა, ხოლო "იბეროსტარი" 11 მოგებით - მეორეზე.
![alt](/pictures/image50/b5f52f82302c69600709817a8a736e55.jpg "შერმადინის 15 ქულა - "იბეროსტარი" ოვერტაიმში დამარცხდა და მეორე ადგილს დასჯერდა")
შერმადინის 20 ქულა, მე-5 ფოლი და "ბარსელონას" გამარჯვება
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
