გიორგი შერმადინის დიდებული მატჩი ესპანეთის ჩემპიონატში. საქართველოს ნაკრების ცენტრმა "ლაგუნა ტენერიფეში" სეზონის საუკეთესო მატჩი ჩაატარა. შერმადინს მხოლოდ 18:27 წუთი დასჭირდა საიმისოდ, რომ 24 ქულა და 11 მოხსნა მოეგროვებინა, რაც მატჩის საუკეთესო შედეგი გახლდათ. ეს მოხდა ესპანეთის ჩემპიონატის მე-17 ტურის მატჩში, რომელშიც ტენერიფელებმა "ხირონას" უმასპინძლეს და ქართველი ლეგიონერის ლიდერობით 100:80 დაამარცხეს.შერმადინი თამაშში სათადარიგოთა სკამიდან ჩაერთო და მოედანზე შესვლის წამიდან ის შეუჩერებელი გახლდათ. არასრულ 19 წუთში გიორგიმ 9-დან 8 ორქულიანი ჩააგდო, ხოლო 12 საჯარიმო სროლიდან 8 გამოიყენა. თამაში
საბოლოო ჯამში შერმადინმა სარგებლიანობის უმაღლესი კოეფიციენტი (34) დააგროვა და მატჩის საუკეთესო მოთამაშე ხომ გახდა, შანსი აქვს, ტურის საუკეთესოდაც დასახელდეს.
12 მოგებითა და 5 მარცხით "ტენერიფე" ესპანეთის ჩემპიონატის მე-3 საფეხურზეა. შემდეგ მატჩს ტენერიფელები შინაურ კანარის კუნძულებზე 19 იანვარს, "გრან კანარიასთან" ჩაატარებენ.
GBF.GE
![alt](/pictures/image50/3da345a83d9f431ec70019085546fa6f.jpg "შერმადინი "ხირონასთან" მატჩის საუკეთესო მოთამაშე გახდა | 24 ქულა და 11 მოხსნა")
შერმადინის 8 ქულა მადრიდში | "ტენერიფე" "რეალთან" ბრძოლაში დამარცხდა
