NBA-ს 4-გზის ჩემპიონმა და ჩატარებული თამაშების ოდენობით რეკორდსმენმა რობერტ ფერიშმა ESPN-თან მსოფლიო კალათბურთის ლეგენდა მაიკლ ჯორდანის შესახებ ისაუბრა.
"ლარი (ბერდი), როგორც პიროვნება, მეჯიქსა (ჯონსონი) და ჯორდანზე 1 თავით მაღლა დგას. ის უდიდეს პატივს გვცემდა თითოეულ მოთამაშეს. თუ რომელიმე ღამით საქმეები კარგად არ მიგვდიოდა, ბერდი მოვიდოდა და გვამხნევებდა ან არაფერს გეტყოდა. მეჯიქ ჯონსონი და მაიკლ ჯორდანი კი თავზე გადახტებოდნენ, ერთ ამბავს ატეხდნენ."
პერიში იმდენად ჩუმი, წყნარი და უწყინარი ადამიანი იყო, რომ მეტსახელად "შეფი" შეარქვეს. შეფი არის ადგილობრივი ინდიელი კენ კესის ცნობილ
რომანში "ვიღაცამ გუგულის ბუდეს გადაუფრინა", რომლის კინოვერსიაც მილოშ ფორმანმა გადაიღო. როგორ პერიში, ისე შეფიც ძალიან ჩუმი და წყნარია, თითქმის არ ლაპარაკობს.
რობერტი, რომელმაც კარიერის უდიდესი ნაწილი "ბოსტონ სელტიკში" გაატარა, ბოლო სათამაშო წელს "ჩიკაგო ბულზში" გადავიდა და სწორედ მაშინდელი ისტორია გაიხსენა, როცა სავარჯიშო რუტინის დროს მაიკლ ჯორდანი მასთან მივიდა და უთხრა, შეეწყვიტა. პერიში უკვე გამოცდილი ვეტერანი იყო, ჯორდანზე 9 წლით უფროსი.
"მაშინვე ვუთხარი, "შენზე ისე შეყვარებული არ ვარ, როგორც ეს ბიჭები და იცოდე, არც შენზე ნაკლები ბეჭდები მაქვს." მან კი მიპასუხა: "იცოდე, დედას გიტირებ!" მე კი ერთი ნაბიჯი გადავდგი მისკენ და ვუთხარი: "ვერა, მაგის ტრ***კი არ გაქვს". მას შემდეგ კი აღარასდროს შევუწუხებივარ", - განაცხადა ფერიშმა.
მომზადებულია marca-ს მიხედვით
ლებრონ ჯეიმსი: ის ჩემთვის შავი იესო ქრისტე იყო
NBA-ს ისტორიაში საუკეთესო კალათბურთელები დაასახელეს - კობი ბრაიანტი მე-9-ეა
![ლებრონმა ჯორდანის რეკორდი მოხსნა! - "ლეიკერსმა" "ატლანტას" შედეგიან კალათბურთში აჯობა [VIDEO]](/pictures/image7/e3546ca3db456af933fcd59f8ad77ef0.jpg "ლებრონმა ჯორდანის რეკორდი მოხსნა! - \"ლეიკერსმა\" \"ატლანტას\" შედეგიან კალათბურთში აჯობა [VIDEO]")
