საქართველოს 16 წლამდე გოგონათა ნაკრებმა ევროპის ჩემპიონატის C დივიზიონი სომხეთთან მარცხით და მე-6 ადგილზე დაასრულა. ტურნირში, რომელსაც გიბრალტარმა უმასპინძლა, 8 ქვეყნის ნაკრები მონაწილეობდა და ჩემპიონი აზერბაიჯანი გახდა, გიორგი გოლიაძის გაწვრთნილმა ნაკრებმა კი მე-5 ადგილისთვის მატჩში სომხეთთან დაძაბულ ბრძოლაში – 71:77 წააგო.არადა, საქართველომ სომხეთი ჯგუფურ ეტაპზე 12 ქულით (83:71) დაამარცხა, თუმცა იმავეს გაკეთება ტურნირის დასკვნით მატჩში ვეღარ მოახერხა. კარგი ამბავი კი ისაა, რომ ტურნირის სიმბოლურ ხუთეულში საქართველოს ნაკრების ერთ-ერთი ლიდერი – ნიცა საბადაშვილი შეიყვანეს. კლუბ “ბასტიონისა” და ჩვენი ნაკრების წევრი
სტატისტიკით ტურნირზე ერთ-ერთი საუკეთესო იყო და მატჩში საშუალოდ 19 ქულას, 9.6 მოხსნას და 2.4 ჩაჭრას აგროვებდა. მასთან ერთად ხუთეული შეავსეს – ეველინა დემეტრიადმა (კვიპროსი). სიდორელა ზილამ (ალბანეთი), სიტარა აბასოვამ (აზერბაიჯანი) და ანგელინა ისმაელოვამ (აზერბაიჯანი), რომელიც ტურნირის MVP გახდა.
GBF.GE
საქართველოს 16 წლამდე გოგონათა ნაკრებმა ჯგუფური ეტაპი სომხეთის დამარცხებით დახურა
რა ჰქვია ამას, ოლიმპიადასავით, მხოლოდ მონაწილეობის მიღება და ყველაფერისულერთია ?!
ამ ასაკში, თანატოლ აზებაიჯანელებთან 40-50 ქულით წაგება ?!
არ მინდა გუნდს, განსაკუთრებით ახალგაზრდებს/გოგონებს გული ვატკინო, მაგრამ...
მოკლედ, ქვეყნის სირცხვილია ასეთი გამოსვლა !