წლეულს ევროთასებზე საქართველოდან ქვეყნის ვიცე-ჩემპიონი "ბათუმი" იასპარეზებს. ევროპული რაგბის "კონტინენტის ფარი" "ჩელენჯ კაპის" შესარჩევი ეტაპია. აქ "ბათუმი" B ჯგუფში "კალვიზანოსთან" (იტალია), "ლისაბონის უნივერსიტეტთან" (პორტუგალია) და "პადოვასთან" მოხვდა. შესაბამისად, მისი მეტოქები A ჯგუფის წარმომადგენლები იქნებიან. ესენია: "ტიმიშოარა" (რუმინეთი), "როვიგო" (იტალია), "ვიადანა" (იტალია) და "ჰაიდელბერგი" (გერმანია).
თითოეული ჯგუფის ორ-ორი მოწინავე პლეი-ოფში გადის და იანვარში დაუპირისპირდებიან ერთმანეთს. მათ შორის გამარჯვებულები აპრილში შინ და გარეთ ორ თამაშს გამართავენ. ამავე ეტაპიდან ტურნირში ჩაერთვებიან რუსეთის კლუბები, "ენისეი" და "კრასნი იარი", რომლებიც ურთიერთშეხვედრაში "კონტინენტის ფარის" მეორე ფინალისტს
ფინალისტები 2018/19 წლების "ჩელენჯ კაპის" საგზურს მიიღებენ, "კონტინენტის ფარის" გამარჯვებული კი 2018 წლის მაისში, ბილბაოში გამოვლინდება.
"ბათუმი" ჯგუფური ეტაპის პირველ მატჩს იტალიაში, "როვიგოსთან" 14 ოქტომბერს გამართავს, 21 ოქტომბერს კი "ჰაიდელბერგს" ბათუმში უმასპინძლებს. მერე, 9 დეკემბერს კიდევ ერთხელ ჩავა იტალიაში და "ვიადანას" შეხვდება, ხოლო ჯგუფურ ეტაპს 16 დეკემბერს, ბათუმში "ტიმიშოარასთან" მატჩით დაასრულებს.
ყოველდღიური სპორტული გაზეთი "ლელო"
