არგენტინის რაგბის კავშირი: "ბორჯღალოსნებთან" მატჩი დიდ ყურადღებას მიიქცევს

AutoSharing Option
არგენტინის რაგბის კავშირმა ოფიციალურად დაამტკიცა 24 ივნისის ტესტ-მატჩის ჩატარების ადგილი - "ლოს პუმასი" "ბორჯღალოსნებს" სან სალვადორ დე ხუხუიში უმასპინძლებს.

- "ბორჯღალოსნები" 2017 წლის ზაფხულში არგენტინას ხუხუიში ესტუმრებიან

ქალაქში ჩასულმა რაგბის კავშირის ვიცე-პრეზიდენტმა ანდრეს ჩავანმა განაცხადა:

"ჩვენი იდეა სპორტის ფარგლებს სცდება - გვსურს მსოფლიოს ვაჩვენოთ ხუხუი, რადგან ამ თამაშს პირდაპირ ეთერში ნახავენ. ეჭვიც არ გვეპარება, რომ ეს მატჩი მედიის დიდ ყურადღებას დაიმსახურებს".

მატჩი "ესტადიო დე ხიმნასიაზე" გაიმართება, რომელიც 2011 წელს გარემონტდა, როცა არგენტინა კოპა ა
მერიკას მასპინძლობდა ფეხბურთში.

რაგბის კავშირის ვიცე-პრეზიდენტმა ქალაქის მერ ხერარდო მორალესს არგენტინის ნაკრების მაისურა გადასცა სამახსოვროდ.

ის, რომ საქართველოს ნაკრებთან ტესტ-მატჩი არგენტინასთან ხუხუიში გაიმართებოდა, შარშან ნოემბერში გადაწყდა. იანვარში ქალაქში არგენტინელთა თავკაცი დანიელ ურკადე იმყოფებოდა. მან სტადიონი და სავარჯიშო მოედანი დაათვალიერა. თუმცა გადაწყვეტილება ოფიციალური მხოლოდ 27 მარტს გახდა.
მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული