ტოკიოს 2020 წლის ოლიმპიადის პირველ დღეს ხმლით ფარიკაობაში მოასპარეზე სანდრო ბაზაძე ნახევარფინალში ოლიმპიადის მოქმედ ჩემპიონს, რეიტინგის მე-4 ნომერ არონ შილადთან დამარცხდა, რის გამოც მე-3 ადგილისთვის შეხვედრაში კიმ ჯონ ხვანთან გადაინაცვლა..
ქართველმა მოფარიკავემ შეხვედრა შესანიშნავად დაიწყო და შესვენებაზე 8:7 გავიდა, 22-ე ქულის გათამაშების შემდეგ სამხრეთ კორეელმა სპორტსმენმა ჯერ ფეხის ტრავმა მიიღო, შემდეგ გეიმში კი თავის, რის გამოც შეხვედრა რამდენიმე წუთით შეწყდა, საბოლოოდ, შეხვედრა კორეელი სპორტსმენის გამარჯვებით 15:11 დასრულდა, სანდრო კი ოლიმპიური მედლის გარეშე დარჩა.
შეგახსენებთ, ბაზაძემ პირველსა და მეორე წრეში ეგვიპტის
ორი წარმომადგენელი მოჰაბ სამერი (15:10) და ზიად ელსისი (15:12), მეოთხედფინალში კლასიფიკაციის ლიდერს, ო სან უკის (15:13) სძლია, ნახევარფინალურ დაპირისპირებაში კი არონ შილადთან 15:13 დამარცხდა.
სანდრო ბაზაძე მსოფლიო თასის ბრინჯაოსმედალოსანია
![სირცხვილია - ბაზაძე ამერთან წაგების შემდეგ მსაჯების საკამათო გადაწყვეტილებას აპროტესტებდა [VIDEO]](/pictures/image7/895ccb029afbfeddec2a462a323982ff.jpg "სირცხვილია - ბაზაძე ამერთან წაგების შემდეგ მსაჯების საკამათო გადაწყვეტილებას აპროტესტებდა [VIDEO]")
