8 სექტემბერს, ევროპის ჩემპიონატის საკვალიფიკაციო ეტაპზე, საქართველოს ნაკრები ესპანეთს უმასპინძლებს. მეტოქე გუნდი უკვე ჩამოვიდა თბილისში.
Hola, Georgia! - წერს ესპანეთის ფეხბურთის ფედერაციის საიტი.
კატალონიური "სპორტი" და "მუნდო დეპორტივო" იტყობინებიან, რომ ლუის რუბიალესის ნაცვლად, რომელსაც ესპანეთის ფეხბურთის ფედერაციის პრეზიდენტის უფლებამოსილება შეუჩერეს, დელეგაციას პრეზიდენტის მოვალეობის დროებითი შემსრულებელი პედრო როჩა ჩამოუძღვა.
მოწინააღმდეგე დანიშნულების ადგილამდე ფრენას 5 საათი მოუნდა. მათმა ერთ-ერთმა კაპიტანმა, ჩემპიონთა ლიგის ფინალში ერთადერთი გოლის ავტორმა, როდრიმ, შეიტყო რა, რომ "ოქროს ბურთის" 30 ნომინანტს შორის მოხვდა, ძალიან გაიხარა.
თბილისში ჩამოვიდა მცველი ემერიკ ლაპორტი,
რომლის გამომგზავრება ვარჯიშზე მიღებული ტრავმის გამო საეჭვო იყო. მას დილით ექიმები გასინჯავენ და "დინამო არენაზე", ალბათ, მსუბუქად ივარჯიშებს.
მწვრთნელი დე ლა ფუენტე 18:15 საათზე როდრისთან ერთად პრესკონფერენციას ჩაატარებს.
გამოცემები აღნიშნავენ, რომ აეროპორტიდან სასტუმრო "მერიოტამდე" 17 კილომეტრი დაფარეს, სადაც ასამდე გულშემატკივარი თბილად დახვდა და ცუდი სტარტის შემდეგ აუცილებელია, პარასკევს თბილისში საქართველო და სამშაბათს გრანადაში კვიპროსი დაამარცხონ.
AS: ესპანელთა პრობლემა მარტო კვარაცხელია როდია - სანიოლი დე ლა ფუენტეს სიურპრიზს უმზადებს
![საქართველოს ნაკრები ჩეხეთთან დამარცხდა და B ლიგაში დასარჩენად პლეი-ოფში ბრძოლა მოუწევს [VIDEO]](/pictures/image7/60fde89fbb7497ad404ac1322a939e02.jpg "საქართველოს ნაკრები ჩეხეთთან დამარცხდა და B ლიგაში დასარჩენად პლეი-ოფში ბრძოლა მოუწევს [VIDEO]")
