ლა ლიგის 31-ე ტურში სტუმრად "რაიო ვალეკანოსთან" ფრედ დასრულებულ მატჩში (1:1) უკლებლივ ყველა წამყვანმა ესპანურმა სპორტულმა გამოცემამ "ვალენსიას" მეკარის, გიორგი მამარდაშვილის კარგ თამაშს გაუსვა ხაზი."მუნდო დეპორტივომ" სამი ვარსკვლავით ისი პალასონისა (რაიო ვალეკანო) და მამარდაშვილის თამაში შეაფასა, ხოლო "მარკამ" - მხოლოდ ქართველის. ის განსაკუთრებით "მარკამ" შეაქო:
"ასე რომ, ევროპა ლიგაზე პრიმერადან "ვალენსიას" გასვლა შეუძლებელი გახდა და ამისათვის თასი დარჩა. თუ ფინალში დამარცხდა, კიდევ ერთი წელი მოუწევს ევროტურნირების გარეშე ყოფნა. დღეს გუნდმა მაქსიმუმს მიაღწია. ვერაფერი თამაში ვერ აჩვენა, მაინც დაწინაურდა და
ორშაბათ საღამოს "ვალეკასზე" თამაშის გამოსაცოცხლებლად კიდევ რაღაც იყო საჭირო. პირველი ტაიმის ყურება გულშემატკივრებისთვის სასიამოვნო ვერ გამოდგა - შეხვედრის გაუთავებელი შეჩერებები, კამათი, რამაც შოუ გროტესკული გახადა. ყველაზე მიმზიდველი საჯარიმოს გარედან ორი დარტყმა და მამარდაშვილის გასაოცარი რეაქცია იყო. ამის შემდეგ - სიცარიელე".
As-ი აღნიშნავს, რომ მატჩის MVP უდავოდ მამარდაშვილი იყო, რომელმაც პალასონს გოლი არ გაატანინა.
![alt](/pictures/image50/50f26e212bdc1bbb8785984c124bbf5f.jpg "Marca: რომ არა გასაოცარი მამარდაშვილი, "ვალენსიას" დაუმარცხებელი სერია დასრულდებოდა")
მამარდაშვილის მორიგი კარგი მატჩი და ხელიდან გაშვებული გამარჯვება მადრიდში [VIDEO]
