იტალიაში მიმდინარე ახალგაზრდულ ტურნირ "ვიარეჯიოს თასზე", რომელშიც ევროპისა და მსოფლიოს ქვეყნებიდან წამყვანი კლუბების 19-წლამდელთა გუნდები მონაწილეობენ, სკანდალში "ნორჩი დინამოს" გუნდი გაეხვა, სადაც მას მატჩების ჩაწყობაში ადანაშაულებენ.
დამოუკიდებელი ევროპული კომპანია "ფედერბეთი", რომელიც მთელ მსოფლიოში საეჭვო ფსონებს და შესაძლო გარიგებულ მატჩებს სწავლობს, ამტკიცებს, რომ "ნორჩი დინამოს" სამივე მატჩზე უჩვეულოდ მაღალი ფსონები დაფიქსირდა.
საუბარია "ნორჩი დინამოს" მიერ "რიეტისთან" (1:5), "ტორინოსთან" (1:7) და "ატლეტიკო პარანაენსესთან" (1:4) წაგებულ მატჩებზე.
მათი განცხადებით, ამ მატჩებში "ნორჩი დინამოს" ჰანდიკაპით წაგებაზე ანომალიურად დიდი თანხები დაიდო.
"თბილისური გუნდის მატჩებამდე და
კერძოდ, "რიეტისთან" "ნორჩმა დინამომ" გოლები 84-ე და 86-ე წუთებზე, "ტორინოსთან" კი 83-ე და 89-ე წუთებზე გაუშვა. რაც შეეხება "ატლეტიკო პარანაენსესთან" მატჩს, ამ შემთხვევაში ქართველებმა გახსნეს ანგარიში, შემდეგ კი 4 გოლი გაუშვეს - ბრაზილიელების ჰანდიკაპით მოგებაზე ფსონები კი სწორედ მაშინ დაიდო, როდესაც ქართული გუნდი 1:0 იგებდა მატჩს.
გავრცელებულ ინფორმაციას გამოეხმაურა "რიეტის" ახალგაზრდული გუნდების ხელმძღვანელი ჯანფრანკო მანჩინიც.
"პირადად მე არც კი ვიცოდი, რომ ამ თამაშებზე თანხის დადება იყო შესაძლებელი. შემიძლია დაგიდასტუროთ, რომ ქართული გუნდი იმდენად სუსტი იყო, რომ ვინმესგან მათ მიერ გოლის გაშვება არ არის გასაკვირი. ასევე მინდა აღვნიშნო, რომ ჩვენ ამასთან არანაირი კავშირი არ გვაქვს", - განაცხადა მანჩინიმ.
"ფედერბეთის" ინფორმაციით, "ნორჩი დინამოს" სამი მატჩის შედეგად აღმოსავლეთ ევროპიდან და ჩინეთიდან დადებული ფსონებით მომხმარებლებმა მილიონობით ევრო მოიგეს. კომპანიის მიერ მომზადებული დასკვნა იტალიის პროკურატურას უკვე გადაეგზავნა.
აქვე გეტყვით, რომ ეროვნული ლიგის დაწყებამდე "ნორჩმა დინამომ" სახელი გადაირქვა და ახლა თბილისის "მერანი" ეწოდება, თუმცა ახალგაზრდული და ასაკობრივი გუნდები იგივე სახელწოდების დარჩა.
Sportall.ge-სთან საუბარში საეჭვო მატჩებთან რაიმე კავშირს უარყოფს "ნორჩი დინამოს" დამფუძნებელი ოთარ შენგელია.
"გამოძიების დაწყების შესახებ ჩემთვის არაფერია ცნობილი. მხოლოდ ის ვიცი, რომ საეჭვო სიებში მოხვდა ეს მატჩები, ვინაიდან რაღაც ფსონები დაიდო. გუნდი 3 დღის წინ დაბრუნდა საქართველოში.
როგორც ჩემთვის არის ცნობილი, ორგანიზატორები ამ ინფორმაციას უარყოფენ და ამბობენ, რომ ყველაფერი რიგზე იყო. რა გამოძიება უნდა იყოს, მე არ მესმის.
რაც შეეხება იმას, რამდენად შესაძლებელია, მატჩები გარიგებული ყოფილიყო, მე ამას 100%-ით გამოვრიცხავ. ჩვენ ისეთი ახალგაზრდული შემადგენლობით ჩავედით, რომ დონეებს შორის სხვაობა ძალიან დიდი იყო. სწორედ ეს სხვაობა გახდა ასეთი მარცხის მიზეზი", - განაცხადა შენგელიამ.
![alt](/pictures/image50/c5846ad26b91590588b8c44f38050276.jpg "ქართული გუნდი სკანდალში გაეხვა - "ნორჩ დინამოს" მატჩების ჩაწყობაში ადანაშაულებენ")
წარსულის ქრონოლოგია - "ნორჩი დინამოს" დამფუძნებელი საქართველოში ჩაწყობილი მატჩების საქმეში ფიგურირებდა
![ესპანური კლუბი სკანდალში გაეხვა - გასახდელში სტრიპტიზიორი მიიწვიეს [VIDEO]](/pictures/image7/39650865080f2e5b4781342f199f6dea.jpg "ესპანური კლუბი სკანდალში გაეხვა - გასახდელში სტრიპტიზიორი მიიწვიეს [VIDEO]")
