მადრიდის "რეალის" ყოფილმა ნახევარმცველმა ტონი კროოსმა, რომელმაც ბუცები ლურსმანზე ამ ზაფხულს ჩამოჰკიდა, თავის გადაწყვეტილებაზე ისაუბრა და აღნიშნა, რომ "სამეფო გუნდში" მბაპეს ტრანსფერის გამო, აზრის შეცვლაზე არ დაფიქრებულა. "მაინტერესებდა თუ არა მბაპესთან ერთად თამაში? - არა. ეს გადაწყვეტილება არ არის დამოკიდებული ფეხბურთელზე, რომელიც მოდის ან მიდის, ეს ჩემი გადაწყვეტილება იყო.
ვიცოდი, რომ მბაპე მოვიდოდა და ბედნიერი ვარ, რადგან ის გუნდს დაეხმარება. შესაძლოა, ეს ყოველივე ორი წლის წინ მომხდარიყო, მაგრამ ახლა ის საბოლოოდ აქ არის", - ციტირებს კროოსს Marca.
