რუსული პრემიერლიგის კლუბ "უფასა" და საქართველოს ნაკრების მცველ ჯიმი ტაბიძის მწვრთნელი ვადიმ ევსეევი დღეს, 22 აპრილს, ვლადიმერ ლენინის დაბადების დღესა და საბჭოთა კავშირს "ინსტაგრამზე" გამოეხმაურა.
"22 აპრილი, ეს ხომ ლენინის დაბადების დღეა. ავტომატურად გამახსენდა, როცა კალენდარზე რიცხვი დავინახე. შემდეგ კი დავიყვირე: "მრგვალი თარიღი, 150 წელი".
გამოქვეყნებულ ფოტოზე სერიოზული, საბჭოთა პიონერი ვარ. შემიძლია დავიკვეხნო, რომ მასწავლებლებთან არანაირი პრობლემა არ მქონია. სკოლა კი ძალიან კარგად მახსოვს, მწვანე რვეულები, რომლების უკანა გვერდზეც სსრკ-ის ჰიმნი ეწერა. ღია ფერის მერხები. აბრეშუმის წითელი ყელსახვევი. და ყველგან
ვლადიმერ ილიას ძე ლენინი.
ჩემი ქალიშვილი კი სხვა ცხოვრებაში გაიზარდა, ლენინის გარეშე. საერთოდაც, დიდი ხანი არ გამხსენებია. მაშინ კი სულ ჩვენთნ იყო. ჩემს კლასელს დაფიცების ეშინოდა, რადგან ელოდა, რომ ბაბუა ლენინი გაიგონებდა, გაბრაზდებოდა. მისი ყველას გვჯეროდა.
სსრკ-ში ბევრი განსხვავებული რამ ხდებოდა, კარგი და ცუდიც. თუმცა მაშინ ბავშვები კომუნიზმში ცხოვრობდნენ. წრეები, სექციები, სასწავლო მასალები - ყველაფერი უფასო იყო. მშობლებისთვის, ბუნებრივია, ყველაფერი ყოველთვის მარტივად არ იყო, თუმცა მაშინ ამაზე არავინ ფიქრობდა", - დაწერა ევსეევმა "ინსტაგრამზე".
საბჭოთა კომენტატორი: სსრკ-ის დროს ისეთი "კალბასი" იყო, სურნელი მთელ სახლში იფრქვეოდა, ახლა ხალხს რწმენა არ აქვს
რუსეთის ჰოკეისტთა ნაკრები ფინეთთან მატჩში სსრკ-ის ფორმით წარდგა
