უკრაინაში ომის დაწყების გამო, დასავლეთმა რუსეთს ფინანსური სანქციები დაუწესა და იქაური კლუბები მძიმე სიტუაციაში აღმოჩნდნენ. გაკოტრების პირასაა "კრასნოდარი", РБ Спорт-ი კი იტყობინება, რომ დედაქალაქურ კლუბებს ქამრების შემოჭერა მოუწევთ.
"ლოკომოტივი" ეკონომ-რეჟიმზე გადაერთვება - ტრანსფერებს ვერ განახორციელებს, თანამშრომელთა ნაწილს სამუშაოდან დაითხოვს და მეორე ლიგაში მოასპარეზე ფარმ-კლუბ "კაზანკას" გააუქმებს.
"დინამომ" პოტენციურ ახალწვეულებთან მოლაპარაკებები გაურკვეველი ვადით შეაჩერა, რადგან არ იციან, როგორი ბიუჯეტი ექნებათ. "ამჟამინდელ სიტუაციაში ძნელია იმის პროგნოზირება, როგორი ბიუჯეტი გვექნება. მოგვიწევს იმ ფინანსური პრობლემების მასშტაბების შეფასება, რომელშიც რუსული ფეხბურთი აღმოჩნდება", - ნათქვამია კლუბის
განცხადებაში.
ანალოგიურ სავალალო ვითარებაში იმყოფებიან სხვა გუნდებიც. შეგახსენებთ, რუსულ კლუბებს საერთაშორისო ტურნირებზე მონაწილეობა აუკრძალეს და ქვეყანა ლეგიონერთა უმეტესობამ დატოვა.
![alt](/pictures/image50/64ddb3231f54a8d511da34c6aecd084d.jpg ""ლოკომოტივი" დეპოშია - რუსული კლუბების ფინანსები რომანსებს მღერიან")
უკრაინელების შიშით "ლოკომოტივი" როსტოვში ვერ გაფრინდა
![ატყდა დავიდარაბა. "სლოვანმა" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]](/pictures/image7/57f03630e45e20d80b6f88de210dde05.jpeg "ატყდა დავიდარაბა. \"სლოვანმა\" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]")
