ფიფასა და უეფას ყოფილი პრეზიდენტები, შესაბამისად, ზეპ ბლატერი და მიშელ პლატინი, შესაძლოა, ციხეში აღმოჩნდნენ. შვეიცარიის პროკურატურა კორუფციული გამოძიების ფარგლებში ითხოვს, რომ მათ 18-თვიანი თავისუფლების აღკვეთა მიესაჯოთ.
ბელინზონას ფედერალური სასამართლო საქმეზე გადაწყვეტილებას 8 ივლისს გამოიტანს.
საქმეზე გამოძიება 2015 წელს დაიწყო. ბრალდება ეფუძნება იმას, რომ 2011 წელს ფიფამ პლატინის გადაუხადა დაახლოებით 2 მილიონი შვეიცარული ფრანკი.
თავად ოფიციალური პირები ერთხმად აცხადებენ, რომ მათ ამ გადახდაზე სიტყვიერი შეთანხმება ჰქონდათ და ეს ეხება პლატინის საკონსულტაციო მუშაობას 1998 წლიდან 2002 წლამდე.
