რუსეთის პირველ ლიგაში არმავირის "ტორპედო" აღზევდა. ამ გუნდით კიდევ 100 წელი არ დავინტერესდებოდით, რომ არა ეს ფაქტი - ახლახან იქ რუსეთის მოქალაქეობის მქონე 5 ისეთი ფეხბურთელი ჩაირიცხა, საქართველოში რომ დაიბადა - ირაკლი ჭეჟია, ირაკლი გეფერიძე, ლევან ჯღარკავა, დავით ხურციძე და ნიკა ფილიევი. ამ ხუთეულმა სეზონი სომხეთის ვიცე-ჩემპიონ "ულისში" გაატარა და რუსულ "ტორპედოს" მხოლოდ 9 ივლისის შემდეგ მიაშურა.
საინტერესოა, რომ ცოტა ხნის წინათ, არმავირის გუნდი მოსკოვის "სპარტაკის" ყოფილმა მწვრთნელმა ვალერი კარპინმა ჩაიბარა.
"ულისი" კი ევროპალიგის პირველ საკვალიფიკაციო ეტაპზე მალტურ "ბირკირკარასთან" დამარცხდა
როგორც ჩანს, ამ ხუთეულის ტრანსფერში დიდი როლი ითამაშა არმავირის "ტორპედოს" პრეზიდენტმა, რომელიც სომეხი გახლავთ - ვალერი ოგანესიანი. ის კლუბის ხელმძღვანელი სულ ახლახან, 10 ივლისს გახდა და "ულისიდან" ნაცნობი კადრებიც მიიწვია.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ხურციძის დუბლი ჩემპიონთა ლიგის პირველ საკვალიფიკაციოზე [VIDEO]](/pictures/image7/6434f161cacc131bbcfd624f8a92b16a.jpg "ხურციძის დუბლი ჩემპიონთა ლიგის პირველ საკვალიფიკაციოზე [VIDEO]")
![დინამო(თბ)-ტორპედო 2:1 - ეს გოლი სახსოვრად... [VIDEO]](/pictures/image7/720f2edc28ad134226032854cb9dfc31.jpg "დინამო(თბ)-ტორპედო 2:1 - ეს გოლი სახსოვრად... [VIDEO]")
