ევროუქმეების ფაქტები და სტატისტიკა: პირველად და უკანასკნელად?

როგორც იქნა, არსენ ვენგერმა "დაასველა" დუელის შედეგი ჟოზე მოურინიოსთან - პირველად შეძლო პორტუგალიელის დამარცხება. ეს მან მე-13 ცდაზე მოახერხა. როგორც იცით, ვენგერის მომავალი "არსენალში" დიდი კითხვის ნიშნითაა. ასე რომ, შესაძლოა, ეს გამარჯვება მათ დუელში ფრანგისთვის პირველი და უკანასკნელიც აღმოჩნდეს.

* მანუელ ლანსინიმ (ვესტ ჰემი) 14 ლონდონურ დერბიში 9 გოლის გატანა შეძლო.

* ნ’გოლო კანტემ გასული სეზონის დაწყებიდან დღემდე ყველაზე მეტ ორთაბრძოლაში (289) მიიღო მონაწილეობა და ყველაზე მეტი პასის ჩაჭრა (235) მიითვალა.

* არსენ ვენგერმა (არსენალი) ჟოზე მოურინიოს (მანჩესტერი) პრემიერლიგაში მე-13 ცდაზე მოუგო.

* ალექს-ოქსლეიდ ჩემბერლენს (არსენალი) ამ სეზონში 7 საგოლე პასი აქვს, იმდენი, რამდენიც ხუთ წინა სეზონში ერთად.

* დენი უელბეკმა (არსენალი) "მანჩესტერთან" ბოლო სამ დაპირისპირებაში გაიტანა.

* ჟოზე მოურინიოს აქამდე "არსენალის" წინააღმდეგ წაგება არ ჰქონდა სამწვრთნელო კარიერაში - 5 მოგება, 7 ფრე.

* "ლივერპულმა" ამ სეზონში 32-ჯერ დაარტყა "საუთჰემპტონის" კარისკენ და ერთი გოლიც ვერ გაიტანა.

* ჯეიმს მილნერმა (ლივერპული) 2009 წლის მერე პირველად ვერ გაიტანა პენალტი პრემიერლიგაში.

* იურგენ კლოპმა 65 მატჩში, რაც "ლივერპულს" წვრთნის, 33 მოიგო, 18 ფრედ დაასრულა და 14 წააგო, სულ კი 117 ქულა მოაგროვა. აღსანიშნავია, რომ მისი შედეგი ბრენდან როჯერსის შედეგის იდენტურია.

* კრეიგ შექსპირი (ლესტერი) პრემიერლიგაში მხოლოდ მე-4 მწვრთნელია, ვინც პირველი ხუთი საშინაო მატჩი მოიგო პელეგრინის, ერიქსენისა და ანჩელოტის შემდეგ.

* ჯეიმი ვარდიმ პრემიერლიგაში 60 გოლში მიიღო მონაწილეობა და ამ მხრივ "ლესტერში" პირველ ადგილზე გადავიდა, გაასწრო რა მაზი იზეტს.

* ჯერმეინ დეფომ (სანდერლენდი) პრემიერლიგაში 1 035-წუთიანი პაუზის მერე გაიტანა.

* "ვესტ ბრომვიჩის" ბოლო 8 გოლიდან 6 მცველებმა გაიტანეს.

* მამე დიუფმა (სტოკ სიტი) პრემიერლიგაში ზუსტად 365-დღიანი პაუზის მერე გაიტანა.

* სალომონ რონდონმა (ვესტ ბრომვიჩი) 19-ტურიანი პაუზის შემდეგ შეძლო გოლის გატანა.

* "სტოკ სიტიმ" პრემიერლიგაში გასვლაზე 629-წუთიანი პაუზის შემდეგ გაიტანა.

* რიად მაჰრეზი გახდა პირველი ალჟილერი, ვინც პრემიერლიგაში 100 მატჩი ითამაშა.

* ნიკოლას ოტამენდის (მანჩესტერ სიტი) გოლი იყო მე-400 არგენტინული გოლი პრემიერლიგაში.

* კევინ დე ბრუინის 15 საგოლე პასი "სიტის" ფეხბურთელისთვის სეზონში რეკორდის გამეორებაა (დავიდ სილვა - 2011/12), თუმცა დე ბრუინს მისი დამხობისთვის კიდევ დარჩა დრო.

* დავიდ სილვას გოლი "სიტისთვის" უსწრაფესი პრემიერლიგური გოლია 2015 წლის თებერვლის (აგუერო) მერე.

* პაბლო სარაბიამ (სევილია) ამ სეზონში უფრო მეტი გოლი გაიტანა (8), ვიდრე წინა ხუთ სეზონში ერთად.

* მიჩელის ხელმძღვანელობით "მალაგამ" ბოლო 7 ტურში 6 მატჩი მოიგო, ზუსტად იმდენი, რამდენიც წინა 29 ტურში.

* სანდრო რამირესმა უკვე 13 გოლი გაიტანა სეზონში. ეს საუკეთესო შედეგია "მალაგას" ფეხბურთელისთვის 2010/11 წლების სეზონის შემდეგ (რონდონი).

* ჟერარდ მორენომ (ესპანიოლი) ამ სეზონში 13 გოლი გაიტანა და ყველა საჯარიმოს ტერიტორიიდან.

* ლა ლიგაში მხოლოდ სამ ფეხბურთელს აქვს ახლა ორნიშნა ციფრი, როგორც გოლებში, ასევე საგოლე პასებში - ლუის სუარესს (27 და 12), ნეიმარსა (10/10) და პაბლო პიატის (10/10).

* ვორომ "მესტალიაზე" თამაშების 62,5% მოიგო.

* სიმონე ძაძამ (ვალენსია) სერია A-ში, პრემიერლიგასა და ლა ლიგაში პირველად მოახერხა ერთ თამაშში გოლის გატანაც და საგოლე პასის გაკეთებაც.

* ესეკიელ გარაი (ვალენსია) გახდა მესამე მცველი ლა ლიგაში, ვინც ამ სეზონში დუბლი შეასრულა. წინა ორი ჟერარდ პიკე და სერხიო რამოსი იყვნენ.

* ტეო ერნანდესმა (ალავესი) კარიერაში პირველი გოლი გაიტანა ლა ლიგაში.

* ტონი ადამსის "შედეგი" "გრანადას" თავკაცის პოსტზე - 5 თამაში, 5 წაგება, გოლები 1:13.

* ხამეს როდრიგესმა (რეალი) ამ სეზონში ნახევარმცველთა შორის ყველაზე მეტ გოლში მიიღო მონაწილეობა - 23.

* ლუის სუარესი (ბარსელონა) ლა ლიგაში გოლების რაოდენობით ჰრისტო სტოიჩკოვს გაუთანაბრდა, თუმცა ურუგვაელს 83 გოლის გასატანად 95 მატჩი ეყო, მაშინ, როცა ლეგენდარულ ბულგარელს 175 თამაშის ჩატარება დასჭირდა.

* "ბარსელონას" შემტევმა ტრიომ (მესი, სუარესი, ნეიმარი) ამ სეზონში (ყველა შეჯიბრებაში) 100 გოლი გაიტანა.

* ლიონელ მესიმ (ბარსელონა) ამ სეზონში (ყველა შეჯიბრებაში) პირველმა მიაღწია 50 გატანილ გოლს.

* "ატლეტიკოს" არასოდეს წაუგია, როცა საულ ნიგესს გოლი გააქვს ლა ლიგაში - 21 მატჩი (19 მოგება, 2 ფრე).

* საულ ნიგესის გოლი ამ სეზონში "ატლეტიკოსთვის" მე-100 იყო ყველა შეჯიბრებაში.

* ხიხონის "სპორტინგმა" "ელ მონინონზე" ამ სეზონში პირველად შეინახა კარი "მშრალად".

* კიკე სეტიენის ხელში პირველად მოხდა, რომ "ლას პალმასმა" ზედიზედ ორ ტურში გოლი ვერ გაიტანა.



* ბრემენის "ვერდერმა" ისტორიაში პირველად შეძლო ზედიზედ 8 ტურში სულ მცირე, ორი გოლის გატანა.

* "ჰამბურგთან" ფრე "მაინცისთვის" ბუნდესლიგის ისტორიაში მე-100 ფრე იყო.

* აარონ ჰანტმა (ჰამბურგი) "მაინცს" 14 დაპირისპირებაში 7 გოლი გაუტანა.

* "ლაიპციგი" არის პირველი დებიუტანტი კლუბი ბუნდესლიგის ისტორიაში, რომელმაც ჩემპიონთა ლიგის საგზური მოიპოვა.

* ტიმო ვერნერი (ლაიპციგი) გახდა ბუნდესლიგის ისტორიაში პირველი ფეხბურთელი 21 წლამდე ასაკის, ვინც ერთ სეზონში 18 და მეტი გოლი გაიტანა, დიტერ მიულერის (1974/75 - 24 გოლი) შემდეგ.

* ჰალილ ალთინთოფი (დარმშტადტი) 139-ჯერ შეცვალეს ბუნდესლიგის მატჩებში, მან ჯერალდ ასამოას შედეგი გაიმეორა.

* სვენ ბენდერმა (დორტმუნდი) ბუნდესლიგაში მე-100 გამარჯვება იზეიმა.

* "დარმშტადტი" მეცხრედ შეხვდა ბუნდესლიგის ლიდერს და ვერც ერთხელ შეძლო გამარჯვება.

* პიერ-ემერიკ ობამეიანგმა (დორტმუნდი) 8 გოლი გაიტანა. ერთ სეზონში კლუბში მასზე მეტი მხოლოდ ლოთარ ემერიხს (1965/66 - 31 გოლი) აქვს გატანილი.

* "დარმშტადტთან" მატჩის I ტაიმში "ბაიერნის" ათივე მინდვრის მოთამაშემ შეძლო მეტოქის კარისკენ ერთხელ მაინც დარტყმა.

* ფრანკ რიბერის (ბაიერნი) ანგარიშზე 11 საგოლე პასია, რაც მისთვის წინა ორი სეზონის მონაცემს ერთად სჯობს.



* "ლაციოს" 6 გოლი 6-მა ფეხბურთელმა გაიტანა. ბოლოს ასეთი რამ "უდინეზეს" ფეხბურთელებმა შეძლეს 2009 წელს.

* "ნაპოლისა" და "კალიარის" შეხვედრაში მხოლოდ 10-ჯერ დაირღვა თამაშის წესი, რაც ტურის რეკორდია.

* "რომამ" ჩემპიონატის ისტორიაში პირველად შეძლო ზედიზედ 6 საგარეო მატჩის მოგება.

* "რომამ" "მილანს" მისსავე მოედანზე 4 გოლი პირველად გაუტანა 1935 წლის შემდეგ.

* გაბრიელ პალეტა (მილანი) პირველი ფეხბურთელია, ვინც ამ სეზონში 4 წითელი ბარათი მიიღო.

* ედინ ჯეკო "რომას" პირველი ფეხბურთელია ენრიკე გუაიტას შემდეგ (1934/35), ვინც ერთ სეზონში 27 გოლი გაიტანა.

* ჩემპიონატის ბოლო 7 ტურში მილანის "ინტერზე" ნაკლები ქულა (2) არავის მოუპოვებია.

* ტურინის "იუვენტუსმა" 591-დღიანი მოგებათა სერია შეწყვიტა ჩემპიონატში.

* "ნაპოლიმ" ამ სეზონში ყველა შეჯიბრებაში 100 გოლი გაიტანა.

* "სენტ ეტიენს" ამ ეტაპისთვის 50 ქულა აქვს, რაც ამ კლუბისთვის 2010/11 წლების სეზონის შემდეგ უარესი შედეგია.

* მარიო ბალოტელიმ (ნიცა) უკვე 15 გოლი გაიტანა, რაც ერთ სეზონში მის საფეხბურთო კარიერაში რეკორდია.

* პატრის ევრამ (მარსელი) ლიგა 1-ში თავისი მესამე გოლი გაიტანა, პირველად 2003 წლის შემდეგ.

* დიმიტრი პაიემ ბაფეტიმბი გომისს გოლი 2008 წლის შემდეგ პირველად გაატანინა.

* "ლიონის" სასარგებლოდ ამ სეზონში ყველაზე მეტი, 14 პენალტი დაინიშნა.

* ედინსონ კავანის ახლა ლიგა 1-ში პსჟ-ის მაისურით 86 გოლი აქვს გატანილი და ამ მაჩვენებლით კლუბის ისტორიაში მეორე ადგილზეა.

* მარკო ვერატის ხუთივე გოლი ლიგა 1-ში "პარკ დე პრენსზე" გავიდა.

ყოველდღიური სპორტული გაზეთი "ლელო"