საბერძნეთის ჩემპიონატის მესამე ფინალში საფინალო სირენამდე 1:27 წუთი რჩებოდა, როცა "ოლიმპიაკოსის" ქომაგებმა წაგების გემო იგრძნეს და მოედნის მიმართულებით ათასგვარი საგანი ისროლეს, მათ შორის, პეტარდები. "პანათინაიკოსის" მოედნიდან მოთამაშეები რის ვაი-ვაგლახით გავიდნენ.
მოკლედ, მატჩი ჩაიშალა მაშინ, როცა "ოლიმპიაკოსი" 72:76-ს აგებდა.
მსაჯებმა დარბაზიდან ყველა მაყურებლის გაყვანა და მატჩის გაგრძელება განიზრახეს. 2 საათში დარბაზი დაიცალა, თუმცა მსაჯებმა სხვაგვარი ვერდიქტი მიიღეს: მატჩი აღარ გააგრძელეს და ანგარიში ძალაში დატოვეს. შესაბამისად, "პანათინაიკოსი" ჩემპიონი გახდა, თუმცა ცარიელი ტრიბუნების წინ და საზეიმო განწყობას მოკლებულ ვითარებაში.
ეს ათენელთა 33-ე ჩემპიონობაა,
გიორგი შერმადინი განაცხადში იყო, მაგრამ მოედანზე არ გამოჩენილა. ოლიმპიაკოსელთაგან საუკეთესო კაილი ჰაინსი გახლდათ, რომელმაც 10 ქულა და 14 მოხსნა მოაგროვა. ჩემპიონებში საუკეთესო დიმიტრის დიამანტიდისი გახდა 18 ქულით.
იხილეთ ვიდეო
ყოველდღიური სპორტული გაზეთი "ლელო"
ასევე იხილეთ:
გიორგი შერმადინის "ოლიმპიაკოსი" ფინალურ სერიაში 0:2 ჩამორჩა
გიორგი შერმადინის წარმატებამ უცხოური პრესა საქართველოთი დააინტერესა
![შერმადინის 21 ქულა - "ტენერიფე" ჩემპიონთა ლიგის ფინალში გავიდა [VIDEO]](/pictures/image7/17a2a2c408ace74e152d3af47309c69c.jpg "შერმადინის 21 ქულა - \"ტენერიფე\" ჩემპიონთა ლიგის ფინალში გავიდა [VIDEO]")
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
