გიორგი შერმადინის "იბეროსტარი" ფიბა-ს საკონტინენტთაშორისო თასის ფინალშია. ესპანურმა კლუბმა ნახევარფინალური შეხვედრა დღეს მოიგო და შაბათს ფინალურ მატჩში თასის მოსაგებად იბრძოლებს.ტრადიციულ ოთხთა ტურნირს სწორედ ქართველი კალათბურთელის გუნდი მასპინძლობს და უმთავრეს ფავორიტადაც კანარელები მიიჩნევა, რომელთაც დღეს NBA-ს G ლიგის წარმომადგენელ "რიო გრანდეს" 110:89 სძლიეს. შეხვედრაში გადამწყვეტი დასკვნითი მეოთხედი გამოდგა, რომელშიც "იბეროსტარმა" ამერიკელებს 40:21 აჯობა.
შერმადინი ტრადიციულად სასტარტო ხუთეულში გამოჩნდა და 19:48 წუთში 15 ქულა, 7 მოხსნა, 2 პასი, 2 ჩაჭრა და 1 დაფარება მიითვალა.
გიორგიმ 10-დან 6 ორქულიანი და 3-ვე საჯარიმო
შედეგად, ქართველი ლეგიონერის სარგებლიანობის კოეფიციენტი 21-ს გაუტოლდა და ის მხოლოდ თანაგუნდელ სანტიაგო იუსტას ჩამორჩა, რომელმაც 31 ქულას 7 მოხსნა წაამატა.
9 თებერვალს დაგეგმილ ფინალურ მატჩში ტენერიფელთა მეტოქე იტალიური "ვირტუს ბოლონია" იქნება, რომელმაც მე-2 ნახევარფინალში არგენტინულ "სან ლორენსოს" 75:57 სძლია.
მომზადებულია GBF.GE-ს მიხედვით
შერმადინის 15 ქულა - "იბეროსტარი" ოვერტაიმში დამარცხდა და მეორე ადგილს დასჯერდა [VIDEO]
