ევროპის წამყვანი საკალათბურთო ლიგის მარტის თვის საუკეთესო მოთამაშეებად საქართველოს ეროვნული ნაკრების წევრები დასახელდნენ. ესპანეთის ჩემპიონატის თვის MVP-ის ტიტული ორად გაიყო და მისი მფლობელები “ტენერიფე იბეროსტარის” ცენტრი გიორგი შერმადინი და “ბურგოსის” კომბო უკანახაზელი თად მაკფადენი გახდნენ.თუკი შერმადინისთვის ეს ტიტული მხოლოდ მიმდინარე სეზონში მესამეა (ოქტომბერსა და იანვარშიც საუკეთესოდ დასახელდა), მაკფადენმა თვის MVP-ის პრიზი კარიერაში პირველად მოიგო. მოგეხსენებათ, თად მაკფადენს საქართველოს მოქალაქეობა ნატურალიზაციის გზით აქვს მიღებული და ბოლო წლებში ის ჩვენი საკალათბურთო ნაკრების ერთ-ერთი ლიდერია.
ისე დაემთხვა, რომ შერმადინსა და მაკფადენს მარტის
როგორც აღვნიშნეთ, შერმადინი ამ სეზონში უკვე მესამედ დასახელდა თვის მოთამაშედ. მარტში ქართველ ცენტრს საუკეთესო მატჩი 28-ე ტურში ჰქონდა, როდესაც „ვალენსიასთან“ 21 ქულას 7 მოხსნა მიამატა, მარგი ქმედების კოეფიციენტმა კი 32-ს მიაღწია. მთლიანობაში კი, მარტში შერმადინის საშუალო სტატისტიკა ასეთი იყო: 17,5 ქულა, 4,5 მოხსნა, 2,0 პასი, 1 დაფარება, 25,5 მქკ.
მაკფადენს რაც შეეხება, მისმა “ბურგოსმა“ ამ თვეში ორი მატჩი მოიგო, რაშიც საქართველოს ნაკრების უკანახაზელის დიდი წვლილი იყო. თადი შეუდარებელი იყო „უნიკახასთან“ მატჩში (101:93), რომელშიც 28 წუთი ითამაშა, 26 ქულა ჩააგდო (9-დან 6 სამქულიანი), 9 შედეგიანი გადაცემა მოაგროვა, მარგი ქმედების კოეფიციენტი კი 33 ჰქონდა. მაკფადენის საშუალო მონაგარი მარტში 23,0 ქულა, 1,0 მოხსნა, 5,5 პასი, 25,5 მქკ-ია.
განსაკუთრებით სასიხარულოა, რომ შერმადინმა თვის MVP-ის ტიტული მესამედ მოიგო და კიდევ უფრო გაიმყარა ის ლიდერობა, რომელიც ის მთელ ესპანეთის ლიგას თავზე დაჰყურებს. ყველაზე მთავარი მონაცემით, რასაც მარგი ქმედების კოეფიციენტი, ანუ ყველა სტატისტიკური მონაცემის დამაჯამებელი ინდექსი ჰქვია, შერმადინი ესპანეთის ჩემპიონატში ყველას უსწრებს. თუკი ლიდერობა შეინარჩუნა, შერმადინს კარგი შანსი აქვს, ესპანეთის ჩემპიონატის სეზონის საუკეთესო მოთამაშე გახდეს, რაც მისთვის და სრულიად საქართველოსთვის დიდი წარმატება და დაფასება იქნება.
GBF.GE
შერმადინის შესანიშნავი მატჩი და მორიგი MVP-ის ტიტული [VIDEO]
