დღეს, 21 ივნისს, ნაციონალურ საკალათბურთო ასოციაციაში პლეი-ოფის ორი შეხვედრა გაიმართა.
დასავლეთ კონფერენციაში კონფერენციის ფინალური ეტაპი დაიწყო. პირველ შეხვედრაში "ფინიქს სანსმა" "ლოს ანჯელეს კლიპერსს" უმასპინძლა და 120:114 დაამარცხა.
მასპინძელთა რიგებიდან საუკეთესო დევინ ბუკერი გახლდათ, რომელმაც 40 ქულა, 13 მოხსნა და 11 შედეგიანი გადაცემა დააგროვა.
დევინს მხარი დეანდრე ეიტონმა აუბა, რომელმაც თავი 20 ქულით, 9 მოხსნითა და 2 შედეგიანი გადაცემით გამოიჩინა.
რაც შეეხება "კლიპერსს", პოლ ჯორჯმა გუნდს 34 ქულა, 4 მოხსნა, 5 შედეგიანი გადაცემა, 2 ჩაჭრა და 1 დაფარება შესძინა.
რიჯი ჯექსონის
ანგარიშზე 24 ქულა, 6 მოხსნა, 4 შედეგიანი გადაცემა და 1 ჩაჭრა გახლდათ.
ამრიგად, კონფერენციის ფინალურ დაპირისპირებაში "სანსი" 1:0 დაწინაურდა. მომდევნო შეხვედრა კვლავ ფინიქსში, 23 ივნისს გაიმართება.
მეორე შეხვედრა აღმოსავლეთ კონფერენციის ფინალისტის ვინაობას არკვევდა. "ფილადელფიამ" "ატლანტა ჰოუქსს" უმასპინძლა. შეხვედრა სტუმართა გამარჯვებით, 103:96 დასრულდა.
მასპინძელთა რიგებიდან საუკეთესო კამერუნელი ცენტრი ჯოელ ემბიდი გახლდათ, რომელმაც 31 ქულა, 11 მოხსნა, 3 შედეგიანი გადაცემა, 1 ჩაჭრა და ამდენივე დაფარება დააგროვა.
ტობიას ჰარისმა გუნდს 24 ქულა, 14 მოხსნა, 4 შედეგიანი გადაცემა და 2 ჩაჭრა შესძინა.
რაც შეეხება "ატლანტას", კევინ უერტერმა თავი 27 ქულით, 7 მოხსნით, 3 შედეგიანი გადაცემითა და 1 ჩაჭრით გამოიჩინა.
ტრეი იანგმა 21 ქულა, 3 მოხსნა და 10 შედეგიანი გადაცემა მიითვალა.
ამრიგად, კონფერენციის ფინალში "მილუოკი ბაქსი" და "ატლანტა ჰოუქსი" დაუპირისპირდებიან ერთმანეთს. პირველი შეხვედრა 24 ივნისსაა ჩანიშნული.
ლიდერის გარეშე დარჩენილი "კლიპერსი" კონფერენციის ფინალში გავიდა [VIDEO]
![3 წუთში დუბლი შეასრულა და საგოლე პასიც მიითვალა - მესი 2 თვიანი პაუზის შემდეგ მოედანს დაუბრუნდა [VIDEO]](/pictures/image7/96fcf96425ab8c3c08323fb139786dc9.jpg "3 წუთში დუბლი შეასრულა და საგოლე პასიც მიითვალა - მესი 2 თვიანი პაუზის შემდეგ მოედანს დაუბრუნდა [VIDEO]")
![ბითაძე კვლავ ძირითადში იყო - "ორლანდო" "ფინიქსთან" დამარცხდა [VIDEO]](/pictures/image7/eeaefe57f4e7b1875bada2ed7cceb0dc.jpg "ბითაძე კვლავ ძირითადში იყო - \"ორლანდო\" \"ფინიქსთან\" დამარცხდა [VIDEO]")
!["კლიპერსის" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]](/pictures/image7/a4f965ca021aab6a68a2a7ca9750c131.jpg "\"კლიპერსის\" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]")
![ჰარდენის 4 ქულიანი შეტევა ბოლო წამებზე და სათადარიგოთა სკამზე მოწყენილი ვესტბრუკი - "კლიპერსმა" "ჰიუსტონი" დაამარცხა [VIDEO]](/pictures/image7/e2f35666ae0c6a00b7b548a16b66da83.jpg "ჰარდენის 4 ქულიანი შეტევა ბოლო წამებზე და სათადარიგოთა სკამზე მოწყენილი ვესტბრუკი - \"კლიპერსმა\" \"ჰიუსტონი\" დაამარცხა [VIDEO]")
