დღეს, 2 ივლისს, ნაციონალურ საკათბურთო ასოციაციაში აღმოსავლეთ კონფერენციის ფინალის მორიგი შეხვედრა გაიმართა.
"მილუოკი ბაქსმა" "ატლანტა ჰოუქსს" უმასპინძლა და 11-ქულიანი უპირატესობით, 123:112 დაამარცხა. ლიდერების გარეშე დარჩენილმა გუნდებმა ბოლომდე იბრძოლეს და გულშემატკივარს შესანიშნავი თამაში შესთავაზეს.
იანისის არყოფნაში "მილუოკს" ბრუკ ლოპეზმა ულიდერა. ბრუკის ანგარიშზე 33 ქულა, 7 მოხსნა, 2 შედეგიანი გადაცემა და 4 დაფარება გახლდათ.
ჯრუ ჰოლიდეიმ 25 ქულა, 6 მოხსნა, 13 შედეგიანი გადაცემა და 1 ჩაჭრა დააგროვა.
ზოგადად გუნდის ძირითადმა ხუთეულმა 111 ქულა ჩააგდო, სათადარიგოებმა კი - 12.
კრის მიდლტონმა, ბობი პორტისმა და პიჯეი ტაკერმა ჯამში 53 ქულა მიითვალეს (26 - კრისი, 22 - ბობი და 5 - პიჯეი).
რაც შეეხება "ატლანტას", ტრეის არყოფნაში საუკეთესო ბოგდან ბოგდანოვიჩი გახლდათ, რომელმაც გუნდს 28 ქულა, 5 მოხსნა და 4 შედეგიანი გადაცემა შესძინა.
ამრიგად, "ბაქსი" სერიაში 3:2 დაწინაურდა. მომდევნო შეხვედრა 4 ივლისს ატლანტაშია ჩანიშნული.
![alt](/pictures/image50/510f55d1a1dff94db1627030048464fe.jpg "შოუ მილუოკში - "ბაქსის" ძირითადმა ხუთეულმა 111 ქულა ჩააგდო და სერიაში კიდევ ერთხელ დაწინაურდა [VIDEO]")
1993 წლის შემდეგ პირველად, "ფინიქსი" სუპერფინალში ითამაშებს! გეგმა "კლიპერსი" კიდევ ერთხელ ჩავარდა [VIDEO]
![ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი "ბაქსის" რიგებში [VIDEO]](/pictures/image7/45c9ce7b9d042b3a317520e3550f587a.jpg "ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი \"ბაქსის\" რიგებში [VIDEO]")
!["სელტიკსი" ნახევარფინალშია - "ბოსტონმა" "ატლანტა" სერიაში 4:2 დაამარცხა [VIDEO]](/pictures/image7/5c0c980eae73f6526d7d304cfceb3c1e.jpg "\"სელტიკსი\" ნახევარფინალშია - \"ბოსტონმა\" \"ატლანტა\" სერიაში 4:2 დაამარცხა [VIDEO]")
![ჯიმი ბატლერის სასწაული ბოლო წამებზე - "ბაქსი" პლეი-ოფს გამოეთიშა [VIDEO]](/pictures/image7/0b9aa0553f6e936c1126c2320463a1aa.jpg "ჯიმი ბატლერის სასწაული ბოლო წამებზე - \"ბაქსი\" პლეი-ოფს გამოეთიშა [VIDEO]")
