ხამზატსა და ხაბიბს ჩხუბამდე ცოტა დააკლდათ - ჩიმაევმა ნურმაგომედოვის ბიძაშვილს დაარტყა [VIDEO]

გუშინ, 22 ოქტომბერს გამართულ UFC 280-ის მთავარი ბრძოლის შემდეგ ზემსუბუქი წონის მებრძოლმა ხამზატ ჩიმაევმა ხაბიბ ნურმაგომედოვის ბიძაშვილს, აბუბაქარ ნურმაგომედოვს დაარტყა.

მთავარ ჩხუბში ისლამ მახაჩევმა ჩარლზ ოლივეირა დაამარცხა და მსუბუქი წონის ტიტულს დაეუფლა. ისლამის საოქტაგონე სიტყვის თქმის პარალელურად, ხამზატ ჩიმაევი დარბაზის დატოვებას აპირებდა, როცა აბუბაქარს ჩაუარა. ნურმაგომედოვმა ჩიმაევის თანმხლებ პირს (რამზან კადიროვის ვაჟს) რაღაც უთხრა, რაზე ხამზატი მობრუნდა. მებრძოლებმა ჯერ ერთმანეთს ხელი ჩამოართვეს, მცირე დიალოგის შემდეგ კი ჩეჩენმა დაღესტნელს დაარტყა. ისინი დაცვის სამსახურის წარმომადგენლებმა გააშველეს, განსაკუთრებით ჩიმაევის დამშვიდება გაუჭირდათ...

დარბაზში გადაღებული კადრებიდან ჩანს, რომ კონფრონტაციის მიმდინარეობისას ხაბიბ ნურმაგომედოვი ოქტაგონის ღობეზე აძვრა და კონფლიქტის გაგრძელების შემთხვევაში მასში ჩასართავად მზად იყო.

ხაბიბსა და ხამზატს შორის არსებული ურთიერთობა კარგისგან ძალიან შორსაა. ამას ისიც დაემატა, რომ "არწივის" ახალმა მოსწავლე ბელალ მუჰამედმა შონ ბრეიდის დამარცხების შემდეგ საჩხუბრად ჩიმაევი გამოიწვია, ხოლო აბუბაქარ ნურმაგომედოვი სწორედ მის წონაში იბრძვის.