20 იანვარს, საქართველოს წყალბურთელთა ნაკრები ბუდაპეშტში მიმდინარე ევროპის ჩემპიონატზე რუსეთთან 13:14 დამარცხდა.
მატჩის წინ ჩვენი გუნდის წევრები ოპტიმისტურად იყვნენ განწყობილნი. მიხეილ ბაღათურიამ თქვა, რომ მართალია, რუსეთი რეიტინგით უფრო წინაა, მაგრამ თავს შეაკლავდნენ და გამარჯვებისთვის ყველაფერს გააკეთებდნენ.
პირველი მეოთხედი რუსებმა 6:4 მოიგეს, შემდეგ უპირატესობა გაზარდეს და პირველი ტაიმი 6:9 წავაგეთ. ისინი კარგად იყენებდნენ რიცხობრივ უპირატესობას და კარგად ურტყამდნენ კარში შორიდან. მესამე პერიოდის დასაწისში მეტოქე 4 ბურთით დაწინაურდა, მაგრამ ჩვენმა გუნდმა მოახერხა ჩამორჩენის შემცირება - 10:11. დასკვნით მეოთხედში მოწინააღმდეგე 3-ბურთიანი უპირატესობით გაიჭრა წინ, თუმცა საქართველოს ნაკრებმა ანგარიშის მინიმუმამდე შემცირება შეძლო, ბოლო შეტევა კი ვერ გამოიყენა და დრამატულ მატჩში დამარცხდა.
ჩვენი გუნდიდან გოლები ცრეპულიამ (2), მაგრაქველიძემ, ბარალდიმ (3), რურუამ (2), ელაჩამ (3) და ვაპენსკიმ გაიტანეს.
საქართველოს ნაკრები ტურნირზე მეცხრე-მეთორმეტე ადგილისთვის გააგრძელებს ბრძოლას - 22 იანვარს, პირველ შეხვედრას თურქეთთან ჩატარებს.
ჯგუფურ ეტაპზე ჩვენმა ეროვნულმა გუნდმა საფრანგეთს სძლია (9:7), შემდეგ კი საბერძნეთთან (10:17) და იტალიასთან (6:18) წააგო.
ჩომახიძის დოპლომატიური კომენტარი რუსეთთან მიკერძოებულ მსაჯობაზე
გადამწყვეტი მატჩი რუსეთთან - ქართველი წყალბურთელები საუკეთესო 8 გუნდს შორის მოსახვედრად იბრძოლებენ
წაგება მსოფლიოს ჩემპიონთან - 20 იანვარს ომი რუსეთთან
საქართველოს წყალბურთელთა ნაკრები საბერძნეთთან 10:17 დამარცხდა [VIDEO]
საქართველოს წყალბურთელთა ნაკრებმა ევროპირველობაზე საფრანგეთს სძლია! [VIDEO]
