დღეს, 26 სექტემბრის დილით, MLS-ის 32-ე ტურის შეხვედრა "სან ხოსე ერსქვეიქსსა" და "ფილადელფია იუნიონს" შორის გაიმართა, რომელიც კალიფორნიელი მასპინძლების მარცხით, 1:2 დასრულდა.
სამწუხაროდ, შეხვედრის ანტიგმირი საქართველოს ნაკრების ვიცე-კაპიტანი გურამ კაშია გახდა.
გურამი, ვაკო ყაზაიშვილის მსგავსად, "სან ხოსეს" ძირითად შემადგენლობაში იყო და მოედანზე 90 წუთი გაატარა.
მიუხედავად იმისა, რომ ქართველი მცველი შეხვედრის უდიდესი ნაწილი ძალიან დამაჯერებლად გამოიყურებოდა, 5-წუთიან მონაკვეთში 2 შეცდომა დაუშვა, რაც "სან ხოსეს" მარცხის ფასად დაუჯდა.
მატჩში ანგარიში მასპინძლებმა გახსნეს, 35-ე წუთზე გოლი ჯექსონ იუილმა გაიტანა. 70-ე წუთზე კი, ბედოიას გოლის დროს შემტევის დარტყმული ბურთი გურამს ფეხებშორის გაუძვრა, ხოლო 76-ე წუთზე მეორე გოლის ავტორმა, პოლონელმა პრიჟბილკომ საჰაერო დუელი სწორედ ქართველ მცველს მოუგო.
ამ მარცხის შემდეგ "სან ხოსე ერსქვეიქსი" 44 ქულით დასავლეთ კონფერენციის მე-9 ადგილზე გადავიდა და პლეი-ოფის ზონას 1 ქულით ჩამორჩება.
რეგულარული სეზონის დასრულებამდე 2 ტურია დარჩენილი და კალიფორნიელები 2 უშუალო კონკურენტს ეთამაშებიან. სახლში კონფერენციის მეოთხეადგილოსან "სიეტლს" დაუპირისპირდებიან, რომელსაც 50 ქულა აქვს და ბოლო ტურში კი, გასვლაზე "პორტლენდს" შეხვდებიან, რომელიც მე-6 ადგილზეა და 1 ქულით უსწრებს.
![alt](/pictures/image50/0ed5c854a90d586b9a507e66a9eae3f1.jpg "გურამ კაშიას ორი შეცდომა და ... "სან ხოსე" პლეი ოფის ზონის მიღმაა [VIDEO]")
გურამ კაშია: რუსეთი ოკუპანტია - ჩვენი ქვეყნის 20%-ზე მეტი აქვს ოკუპირებული![alt](/pictures/image50/a7806083296a779e913706126fa48d2e.jpg "გურამ კაშიას ორი შეცდომა და ... "სან ხოსე" პლეი ოფის ზონის მიღმაა [VIDEO]")
ქართველების "სან ხოსემ" მოიგო, კაშიასა და ვაკოს გატანამდე ცოტა დააკლდათ [VIDEO]![Sportall.Ge](/pictures/artimages/original/c41d6bcf28c3701ca96b30d78e300d2e.jpg "გურამ კაშიას ორი შეცდომა და ... "სან ხოსე" პლეი ოფის ზონის მიღმაა [VIDEO]")
![კაშიამ "ატლეტიკოსთან" შეუცვლელად ითამაშა - "სლოვანმა" მორიგი მარცხი განიცადა [VIDEO]](/pictures/image7/bc9b50517bccd4841dff7f94c51803bd.jpg "კაშიამ \"ატლეტიკოსთან\" შეუცვლელად ითამაშა - \"სლოვანმა\" მორიგი მარცხი განიცადა [VIDEO]")
![ჩემპიონთა ლიგა. V ტური: კაშიას კარგი მატჩი "მილანთან" და "სლოვანის" დასანანი მარცხი [VIDEO]](/pictures/image7/d37c86c903a4fbc98a3536f51227adea.jpg "ჩემპიონთა ლიგა. V ტური: კაშიას კარგი მატჩი \"მილანთან\" და \"სლოვანის\" დასანანი მარცხი [VIDEO]")
![ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]](/pictures/image7/d6c709ea9eff9593884afc34c3f9ed10.png "ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]")
