საქართველოს 21-წლამდელთა ნაკრები შემოდგომის სანაკრებო ციკლს 5 სექტემბერს, მოლდოვის ახალგაზრდული გუნდის წინააღმდეგ გასამართი მატჩით დაიწყებს. ევროპის ჩემპიონატის საკვალიფიკაციო რაუნდის ჯგუფური ეტაპის შეხვედრას ბათუმის "აჭარაბეთ არენა" უმასპინძლებს.რამაზ სვანაძის გუნდმა დღეს ბათუმში, "აჭარაბეთ არენაზე", მატჩისწინა ვარჯიში გამართა. 5 სექტემბერს, 20:00 საათზე, 21-წლამდელების მოლდოვასთან დაპირისპირების პირდაპირ რეპორტაჟს საქართველოს "პირველი არხი" შემოგთავაზებთ.
გულშემატკივართა საყურადღებოდ: მატჩზე ბილეთების შეძენა შესაძლებელია tkt.ge-ზე არსებულ თამაშის გვერდზე, ხოლო ფიზიკური სალარო "აჭარაბეთ არენაზე" 5 რიცხვში, 11:00 საათიდან იმუშავებს.
U21 | შემადგენლობა
მცველები: დავით გოგოტიშვილი (თელავი), საბა ხვადაგიანი (დინამო თბილისი), ნიკოლოზ უგრეხელიძე (დინამო თბილისი), საბა მამაცაშვილი (სირიუსი, შვედეთი), ზურაბ რუხაძე (დილა გორი), დავით ზურაბიანი (კოლხეთი ფოთი 1913), ლადო ოდიშვილი (თელავი), საბა საზონოვი (ტორინო, იტალია).
ნახევარმცველები: ლაშა ოდიშარია (რფს რიგა, ლატვია), ოთარ მამაგეიშვილი (იბერია 1999), გიზი მამაგეიშვილი (იბერია 1999), ლევან ოსიყმაშვილი (დინამო თბილისი), ირაკლი იეგოიანი (ვიტესი, ნიდერლანდები), ლუკა გაგნიძე (დინამო მოსკოვი, რუსეთი), ნოდარ ლომინაძე (დილა გორი), თორნიკე მორჩილაძე (თელავი).
თავდამსხმელები: ვასილიოს გორდეზიანი (დინამო თბილისი), გიორგი კვერნაძე (ფროზინონე, იტალია), გიორგი აბუაშვილი (კოლხეთი ფოთი 1913), ჯადული იობაშვილი (დინამო თბილისი).
ბათუმის შემდეგ რამაზ სვანაძის გუნდი ნიდერლანდებში გაემგზავრება, სადაც 2025 წლის ევროპის ჩემპიონატის შესარჩევი ციკლის მატჩს ვენლოში, ადგილობრივი ნაკრების წინააღმდეგ გამართავს. ჩვენს გუნდს გასული ექვსი ტურის შემდეგ ჯგუფში 13 ქულა აქვს და მეორე ადგილზე იმყოფება. 10 ქულით შვედეთი მესამე ადგილს იკავებს, ხოლო პირველადგილოსან ნიდერლანდებს 21 ქულა აქვს.
nakrebi.ge
საქართველო V მოლდოვა - ახალგაზრდულმა ბათუმში სრული შემადგენლობით ივარჯიშა
![U21. საქართველოს ნაკრებმა ხორვატიას 1:0 მოუგო - ყველაფერი რიეკაში გადაწყდება [VIDEO]](/pictures/image7/d403a374924a3c74aca8f014a165d481.jpg "U21. საქართველოს ნაკრებმა ხორვატიას 1:0 მოუგო - ყველაფერი რიეკაში გადაწყდება [VIDEO]")
