გიორგი მამარდაშვილი შესანიშნავ დონეზე დაბრუნდა. მისი შედეგები მშვენიერია - მხოლოდ შვიდი გაშვებული გოლი 10 მატჩში და ზედიზედ ხუთი შეხვედრა გოლგაუშვებლად.მაჩვენებლები უმჯობესდება, რაც მას მეტ შანსს აძლევს, ეს კი ქართველი კიპერის სიძლიერეს ადასტურებს. ის კონკრეტულ მონაცემებში კლუბის ისტორიაში მეორე მეკარეა - 14 გაშვებული გოლით 16 მატჩში, რაც ნიშნავს საშუალოდ 0,88 მიღებულ გოლს თამაშში, რითაც თანაბარია ანდრეს პალოპთან და ცოტათი აღემატება სანტიაგო კანისარესს (0,90 გოლი მატჩში).
თუმცა იასპერ სილესენის დაბრუნების შემდეგ ყოველთვის საფუძვლიანი ეჭვი არსებობს, მამარდაშვილი კვლავ სასტარტოში იქნება თუ ნიდერლანდელთან
როცა მამარდაშვილმა სასტარტოში ადგილი დაკარგა, ბორდალასი მენტალურ ასპექტზე მიუთითებდა: "გიორგიმ კარგად ითამაშა. მან თავიდანვე მოლოდინს გადააჭარბა და დიდი მომავალი აქვს. მივიჩნიეთ, რომ ცვლილებების დრო იყო. ეს არის გადაწყვეტილებები, რომლებსაც მწვრთნელები ვიღებთ".
"ღამურების" თავკაცმა ახლა არ თქვა, თასის ფინალში (23 აპრილს "ბეტისთან") სასტარტოში ვის მოიაზრებს: "ჯერ ადრეა, ჩვენ უნდა ვიფიქროთ აწმყოზე. კმაყოფილი ვართ მეკარეებით, ყველანი კარგად არიან. გიორგი მშვენივრად მუშაობს."
ქართველი მეკარე თითქოს უფრო მომწიფდა. ეს არის შესანიშნავი საწყისი წერტილი, რომ უახლოს მომავალში ითამაშოს - განსაკუთრებით, ფინალში და კიდევ უფრო გრძელვადიან პერსპექტივაზე ფიქრობდეს.
მომზადებულია plazadeportiva-ს მიხედვით
![alt](/pictures/image50/94c284d401f8bd87a562a7b50b0672a3.jpg ""სილესენის დაბრუნების შემდეგ, ყოველთვის საფუძვლიანი ეჭვი არსებობს, მამარდაშვილი კვლავ სასტარტო მეკარე იქნება?" - plazadeportiva")
რა შეცვალა მამარდაშვილის ბრწყინვალე ფორმამ? - "კალმის ერთი მოსმით ყველაფერი სასიკეთოდ გადაწყდა"
![alt](/pictures/image50/d55792aeaea9fb25b2bb7e6faaaac461.jpg ""სილესენის დაბრუნების შემდეგ, ყოველთვის საფუძვლიანი ეჭვი არსებობს, მამარდაშვილი კვლავ სასტარტო მეკარე იქნება?" - plazadeportiva")
მამარდაშვილი, როგორც შედეგების გაუმჯობესების მთავარი "გასაღები" - ესპანური მედია
![alt](/pictures/image50/8a99088102c7e2b959ff8fef6b9810a8.jpg ""სილესენის დაბრუნების შემდეგ, ყოველთვის საფუძვლიანი ეჭვი არსებობს, მამარდაშვილი კვლავ სასტარტო მეკარე იქნება?" - plazadeportiva")
გაფრინდა და ნეგრედოს არ გაატანინა - მამარდაშვილის ზედიზედ მეექვსე მშრალი მატჩი [VIDEO]
პ.ს. სილესენის სტატისტიკას ჩავხედე ვიკიპედიაზე და ტიპს მთელ კარიერაში ჯამურად 193 თამაში აქვს სულ ჩატარებული. 193! გესმით ეს რა ცოტაა 32 წლის მეკარისთვის? სულ 4 სეზონი აქვს კარიერაში სრულად ნათამაშები უმაღლეს დონეზე, სეზონში 30 მატჩზე მეტი რომ ითამაშა: აქედან 1 ბრედაში, 3 აიაქსში. დანარჩენ სეზონებეში 3-4-5 მატჩი აქვს ჩატარებული აიაქსშიც, ბრედაშიც და ბარსაში საერთოდ სკამზე იჯდა. ამის შემდეგ 2019 წელს გადმოდის ვალენსიაში. პირველ სეზონში თამაშობს 24 თამაშს, შემდეგში 10 და წლევანდელ სეზონში 15. მგონი ეს სტატისტიკა ცალსახად მოწმობა რომ მის ძალიან დიდ გამოცდილებაზე საუბარი ცოტა გადაჭარბებულია. 200 მატჩიც კი არ აქვს მთელ კარიერაში 32 წლის მეკარეს ჩატარებული. 24 აპრილს 33 წლის ხდება. ასე რომ ტყუილად ვაშინებთ გიორგის სილესენის გამოცდილებით. სილესენია და არა ნოიერი ან ვან დერ სარი.