ევროპა ლიგა. II ტური: ლოჩოშვილის გუნდმა "ფეიენოორდს" 4:1 მოუგო, კაჭარავა "რეინჯერსთან" 88-ე წუთზე შევიდა

29 ოქტომბერს ევროპა ლიგის მეორე ტურის მატჩები გაიმართა.

"ვოლფსბერგერმა" როტერდამში "ფეიენოორდი" 4:1 დაამარცხა. სტუმრებმა 4-დან 3 გოლი პენალტით გაიტანეს. ავსტრიულ გუნდში შეუცვლელად ითამაშა ლუკა ლოჩოშვილმა, გურამ გიორბელიძემ კი ტრავმა ახლახან მოირჩინა და განაცხადში არ იყო.

"გენტმა" ისევ მარცხი იწვნია, ამჯერად საკუთარ მოედანზე "ჰოფენჰაიმთან" - 1:4. ეს ყველა ტურნირზე ბელგიური გუნდის ზედიზედ მეოთხე წაგებაა. "გენტის" ნახევარმცველ გიორგი ჩაკვეტაძეს ტრავმა არ მოურჩენია და განაცხადში არ იყო.

ნიკა კაჭარავას "ლეხი" გლაზგოში "რეინჯერსთან" 0:1 დამარცხდა. კაჭარავა 88-ე წუთზე შევიდა შეცვლაზე.

ნიკა ნინუას პაოკი გასვლაზე

"გრანადას" დაუზავდა - 0:0. ჩვენებური ისევ სათადარიგო იყო.

"მილანმა" "სპარტას" 3:0 მოუგო. "როსონერი" ყველა ტურნირზე 23 მატჩის განმავლობაში დაუმარცხებელია - 17 მოგება და 6 ფრე. თანაც, ყველა ბოლო 12 შეხვედრაში 2+ გოლი გაიტანა, რაც უკანასკნელად 90 წლის წინ მოხდა.

"ტოტენჰემი" სტუმრად "ანტვერპენთან" დამარცხდა (0:1). ზედიზედ მესამე შეხვედრაში თავი ვერ გამოიჩინა ლონდონური გუნდის ახალწვეულმა გარეთ ბეილმა. მან ბოლოს 22 იანვარს გაიტანა.

A ჯგუფი

კლუჟი - იანგ ბოისი 1:1

რომა - ცსკა (ს) 0:0

B ჯგუფი

არსენალი - დანდელკი 3:0

მოლდე - რაპიდი 1:0

C ჯგუფი

ნიცა - ჰაპოელი 1:0

სლავია - ბაიერი 1:0

D ჯგუფი

ბენფიკა - სტანდარდი 3:0

რეინჯერსი - ლეხი 1:0