"კორიერე დელო სპორტის" ცნობით, იაპონელი ნახევარმცველი დაიჩი კამადა "აინტრახტთან" ზაფხულამდე მოქმედ კონტრაქტს არ გააგრძელებს და მის გადაბირებას "ნაპოლი" შეეცდება.
გამოცემა იტყობინება, რომ კამადას "ნაპოლის" სპორტული დირექტორი კრისტიან ჯუნტოლი უკვე რამდენიმე თვეა აკვირდება, ჩემპიონთა ლიგაზე მათ გუნდთან შეხვედრების შემდეგ ტრანსფერის განხორციელება საბოლოოდ გადაწყვიტეს და უკვე დაუკავშირდნენ ფეხბურთელის წარმომადგენლებს.
პრობლემა მხოლოდ ისაა, რომ კამადა წლიურ გასამრჯელოდ 4.5 მილიონ ევროს ითხოვს, "ნაპოლის" პრეზიდენტი აურელიო დე ლაურენტისი კი მზადაა 3.5 მილიონი გადაუხადოს.
იაპონელმა მიმდინარე სეზონში ფრანკფურტულ გუნდში 43 მატჩში 14 გოლი გაიტანა და 5
საგოლე გადაცემა გააკეთა.
![alt](/pictures/image50/3e41befa1e206b9415576108a09ae8c5.jpg ""ნაპოლი" "აინტრახტის" ნახევარმცველის შეძენას ცდილობს")
დე ლაურენტისს დიდი გეგმები აქვს - "ნაპოლი" ზაფხულში 3 ტალანტის ყიდვას ეცდება
