კოპა ამერიკის პირველ ტურში, A ჯგუფში, არგენტინისა და ჩილეს ნაკრებების მატჩი 1:1 დასრულდა.
ანგარიში 33-ე წუთზე საჯარიმოდან მესიმ გახსნა. ეს ნაკრებში ჩატარებულ 145-ე მატჩში მისი 73-ე გოლია, ოფიციალურებში კი - 39-ე, გაბრიელ ბატისტუტას რეკორდი დაამხო და თავისი ეროვნული გუნდის ბომბარდირი გახდა.
57-ე წუთზე მსაჯმა არტურო ვიდალის წაქცევისთვის ვიდეოგამეორების ნახვის შემდეგ "ალბისელესტეს" კარში პენალტი დანიშნა. ვიდალის დარტყმული ბურთი მეკარე დამიან მარტინესმა მოიგერია, მერე ხარიხას მოხვდა, დამატებაზე კი ყველას ედუარდო ვარგასმა დაასწრო.
19 ივნისს არგენტინა ურუგვაის დაუპირისპირდება.
რიო-დე-ჟანეირო. "ნილტონ სანტოსი"
არგენტინა - ჩილე 1:1
გოლები: 1:0 მესი (33), 1:1 ვარგასი (57)
მესი აუხდენელ ოცნებაზე საუბრობს
