20 ივლისს ევროპის ლიგის მეორე საკვალიფიკაციო ეტაპის მატჩები გაიმართა. სამწუხაროდ, ეს შეხვედრები წარუმატებელი გამოდგა იმ გუნდებისთვის, რომელთაც ვგულშემატკივრობთ ქართველი ფეხბურთელებისა თუ მწვრთნელების გამო.
აგერ, კახა ცხადაძის გაწვრთნილმა "ქაირათმა" პირველ საშინაო შეხვედრაში ფრედ (1:1) რომ ითამაშა ალბანურ "შკენდერბეუსთან", საპასუხო მატჩი, ყველასთვის მოულოდნელად, 0:2 დათმო და ასპარეზობას გამოეთიშა.
ზაურ სვანაძის დამოძღვრილმა ბაქოს "ინტერმა" პირველ შეხვედრაში შინ მინიმალური ანგარიშით, 1:0 დაამარცხა ლუქსემბურგული "ფოლა", რაც საკმარისი არ აღმოჩნდა შემდგომი ეტაპის საგზურის მოსაპოვებლად. ლუქსემბურგში მასპინძლებმა 4:1 მოიგეს.
თამაზ პერტიას "ლიეპაიამ" სტუმრად 1:0 მოუგო ლიტვურ "სუდუვას",
სლოვაკური "ტრენჩინი" გასვლაზე 0:2 დამარცხდა ებრაულ "ბნეი იეჰუდასთან" და ევროპალიგის მიღმა დარჩა, რადგან პირველი შეხვედრა 1:1 მორჩა. სლოვაკურ კლუბში 88 წუთი ითამაშა გიორგი ბერიძემ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]](/pictures/image7/f41ad1c0c4b9994b6e719d22df4628cd.jpg "სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]")
