გიორგი შერმადინის წინამძღოლობით, "ლენოვო ტენერიფემ" ფიბას ჩემპიონთა ლიგაში მორიგი გამარჯვება მოიპოვა. ესპანურმა კლუბმა ლატვიურ "ვეფ რიგას" უმასპინძლა და 77:64 დაამარცხა.საქართველოს ეროვნული ნაკრების ცენტრი ორივე გუნდის შემადგენლობაში საუკეთესო იყო და მატჩის MVP-ის ტიტულიც დამსახურებულად მიიღო. შერმადინმა ჩვეული და ბევრისთვის საოცნებო შედეგიანობა გამოავლინა: 23 წუთში 25 ქულა, 11 მოხსნა, 3 პასი და 1 ჩაჭრა ისე მიითვალა, არ დაჯარიმებულა და ბურთი ერთადერთხელ დაკარგა. ტენერიფელთა ქართველი ცენტრი ფარქვეშ შეუჩერებელი იყო. რიგელები მასზე 6-ჯერ დაჯარიმდნენ.
შერმადინმა 14-დან 9 ორქულიანი და 8-დან 7 საჯარიმო ჩააგდო.
შეგახსენებთ, რომ "ტენერიფე" ჩემპიონთა ლიგის მეორე ჯგუფურ ეტაპზე ასპარეზობს, სადაც 16 გუნდი 4 ჯგუფშია განაწილებული. შერმადინის გუნდი თითო მოგება-წაგებით მეორე ადგილზეა ესპანური “ბურგოსის” უკან და და ბოსნიური “იგოკეასა” და რიგის "ვეფის" წინ. ტენერიფელები მორიგ საჩემპიონთალიგო შეხვედრას 23 მარტს, შინ “იგოკეასთან” გამართავენ. შემდეგ ეტაპზე, ანუ 8-თა ფინალში, 2 წრის შემდეგ თითოეული ჯგუფის 2 საუკეთესო გადის.
GBF.GE
ჩემპიონთა ლიგაზე შერმადინი მაკფადენთან დამარცხდა - ორივემ კარგი მატჩი ჩაატარა
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
