ჩემპიონთა ლიგა. პლეი ოფი: "მილანი" ფრეს დასჯერდა [VIDEO]

20 აგვისტოს ჩემპიონთა ლიგის პლეი ოფის პირველი მატჩები გაიმართა.

ყარაგანდის "შახტიორმა" საკუთარ მოედანზე შოტლანდიური "სელტიკი" ანგარიშით 2:0 დაამარცხა. შეხვედრაში ანგარიში ანდრე ფინონცენკომ მე-12 წუთზე გახსნა, ხოლო მეორე გოლი საკუთარ ანგარიშზე სერგეი კიზნიჩენკომ 77-ე წუთზე ჩაიწერა.


"ლიონმა" "რეალ სოსიედადი" მიიღო. სტუმრებმა დაწინაურება ანტონი გრისმანის გოლით მე-17 წუთზე შეძლეს. 50-ე წუთზე კი უპირატესობა ორამდე ჰარიკ სეფეროვიჩმა გაზარდა - 0:2.


სანკტ-პეტერბურგის "ზენიტი" "ფერეირას" სტუმრობდა. პირველი გოლი რომან შიროკოვმა გაიტანა, თუმცა ანდრე ლეაომ გათანაბრება მოახერხა. მასპინძელთა გოლის შემდეგ ორ წუთში შიროკოვმა "ზენიტი" კვლავ წინ გაიყვანა. მატიას დეგრამ 85-ე წუთზე საკუთარ კარში გაიტანა, რასაც შიროკოვმა მესამე გოლიც მიაყოლა და შეხვედრაში საბოლოო ანგარიში, 1:4 დააფიქსირა.


პლზენის "ვიქტორიამ" "მარიბორი" ანგარიშით 3:1 დაამარცხა. მასპინძელთა მხრიდან მე-8, 58-ე და 90-ე წუთებზე მარიან კისოვსკი, ვლადიმერ დარიდა და მიჩელ დურისი გამოირჩნენ, სტუმრებიდან კი გოლი ალეს მეჟაჩმა გაიტანა.


"მილანი" ჰოლანდიის პსვ-ს ესტუმრა. მე-15 წუთზე ელ შაარავიმ იტალიელები დააწინაურა, მაგრამ მე-60 წუთზე აბიატის შეცდომით ისარგებლა ტიმ მატავციმ და ანგარიში გაათანაბრა. საბოლოოდ შეხვედრა ფრედ, ანგარიშით 1:1 დასრულდა.